اقمولا تۇرعىنى قۇرىلىس الاڭىندا ءبىر قولىنان ايىرىلدى
ۆەدومستۆونىڭ مالىمەتىنشە، كوكشەتاۋ قالالىق پ ب كەزەكشى بولىمىنە وبلىس ورتالىعىنداعى مەديتسينالىق مەكەمەنىڭ قىزمەتكەرى حابارلاسقان.
ول ستانتسيونارعا «وڭ جاق بىلەكتىڭ ۇشتەن ءبىر بولىگىنىڭ تراۆماتيكالىق امپۋتاتسياسى، وڭ جاق يىقتىڭ جابىق سىنۋى» دياگنوزىمەن ەر ادام جەتكىزىلگەنىن ايتتى.
«انىقتالعانداي، جازاتايىم وقيعا بيىلعى 28- ناۋرىزدا بولعان. قۇرىلىس جۇمىستارى كەزىندە ەر ادامنىڭ قولى بەتون ارالاستىرعىشقا قىسىلىپ قالعان. زارداپ شەككەن شۋچينسك قالاسىنىڭ 49 جاستاعى تۇرعىنى اۋرۋحاناعا جاتقىزىلدى. پوليتسيا باسقارماسى وسى دەرەككە قاتىستى ق ر ق ك 156-بابىنىڭ 2-بولىگى «ەڭبەكتى قورعاۋ ەرەجەلەرىن بۇزۋ» بويىنشا سوتقا دەيىنگى تەرگەۋدى باستادى»، - دەدى ۆەدومستۆودان.
سونىمەن بىرگە، قازىرگى كەزدە مەملەكەتتىك ەڭبەك ينسپەكتورى تاراپىنان تەكسەرىس قولعا الىنىپ، سوت-مەديتسينالىق ساراپتاما تاعايىندالدى.
ايتا كەتسەك، بۇعان دەيىن اقمولا وبلىسىندا قوناقتا وتىرعاندا وڭەشىنە ەت تۇرىپ قالعان ەر ادام قايتىس بولعان ەدى.