ءماجىلىس مەرزىمىنەن بۇرىن تاراۋى مۇمكىن بە - ەرلان قوشانوۆ جاۋاپ بەردى

استانا. قازاقپارات - ءماجىلىس ءتوراعاسى ەرلان قوشانوۆ VIII شاقىرىلىمنىڭ مەرزىمىنەن بۇرىن تاراۋ ىقتيمالدىعى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«ءماجىلىستىڭ بۇل شاقىرىلىمى ۋاقىتىندا تاراي ما، الدە تاعى ءوز ەركىمەن تاراپ كەتۋى مۇمكىن بە؟» - دەپ سۇرادى ب ا ق وكىلى پالاتا ءتوراعاسىنان.

ءماجىلىس سپيكەرى بۇل قۇرام كونستيتۋتسيادا كورسەتىلگەن مەرزىم بويىندا جۇمىس ىستەۋگە ءازىر ەكەنىن ايتتى.

«مەنىڭ ويىمشا، ءبىز 5 جىل جۇمىسىمىزدى ىستەۋىمىز كەرەك. زاڭ بويىنشا، كونستيتۋتسيا بويىنشا سولاي عوي. سوندىقتان، ءبىز سول 5 جىل جۇمىس ىستەۋگە، ءوزىمىزدىڭ مەرزىمىمىزدى تولىعىنان اتقارۋعا دايىنبىز»، - دەدى ەرلان قوشانوۆ.