بەرەكە بانك ينۆەستور ىزدەپ جاتىر
«ازىرگە جاعداي مىناداي – 8- ناۋرىزدا ءبىز ونى SDN پاراعىنان شىعاردىق. قازىر ونىڭ كورسەتكىشتەرى جاقسى، كاپيتالدىڭ جەتكىلىكتىگى - %10. ەندى بانكتىڭ اكسيونەرى سانالاتىن «بايتەرەك» (ۇلتتىق باسقارۋشى حولدينگ) Bereke Bank اكسياسىن ساتۋ ءۇشىن ينۆەستور ىزدەۋ جۇمىسىن باستايدى»، - دەدى ءمادينا ءابىلقاسىموۆا VIII سايلانعان پارلامەنتتىڭ ءبىرىنشى سەسسياسىنىڭ وتىرىسىنان كەيىن جۋرناليستەرگە.
اگەنتتىك باسشىسى Bereke Bank ءۇشىن بيۋجەت قاراجاتى پايدالانىلماعانىن ايتتى.
«ەڭ الدىمەن بانكتىڭ قاراجاتى پايدالانىلدى. Bereke Bank ساتىپ الۋ ءۇشىن بيۋجەت قاراجاتىنىڭ ءبىر تيىنى دا جۇمسالماعان. سونداي-اق مەملەكەتتىك كومەك كورسەتىلمەدى»، - دەدى ءمادينا ءابىلقاسىموۆا.
اگەنتتىك ءتوراعاسى قازىرگى ۋاقىتتا بانكتىڭ الەۋەتتى ساتىپ الۋشىلارى بار ما دەگەن سۇراققا دا جاۋاپ بەردى.
«ازىرگە جوق. بىزگە «بايتەرەك» ءالى اقپارات بەرگەن جوق. ولار بۇل جۇمىستى ەندى باستادى»، - دەپ ءتۇسىندىردى اگەنتتىك ءتوراعاسى.