سينوپتيكتەر قازاقستاندىقتارعا ەسكەرتۋ جاسادى

استانا. قازاقپارات - رەسپۋبليكانىڭ باسىم بولىگىنە بەلسەندى فرونتتارى بار وڭتۇستىك سيكلون اسەر ەتىپ، وسىعان بايلانىستى قولايسىز اۋا رايى ساقتالادى، دەپ حابارلايدى قازاقپارات قازگيدرومەتكە سىلتەمە جاساپ.

رەسپۋبليكانىڭ كوپ جەرىندە جاڭبىر، سولتۇستىكتە جاڭبىر مەن قار تۇرىندەگى جاۋىن- شاشىن جاۋادى.

31-ناۋرىز-1-ءساۋىر ارالىعىندا باتىستا قاتتى جاۋىن جاۋادى، 30-31-ناۋرىزدا شىعىس پەن وڭتۇستىكتە، 30-ناۋرىز-1-ساۋىردە رەسپۋبليكانىڭ وڭتۇستىك- شىعىسىندا قاتتى جاۋىن- شاشىن ءتۇسىپ، جاڭبىر مەن قار تۇرىندەگى جاۋىن- شاشىن بولجانىپ وتىر.

31-ناۋرىزدان باستاپ سولتۇستىك- باتىس انتيسيكلونىنىڭ كەلۋىمەن رەسپۋبليكانىڭ سولتۇستىك جارتىسىندا جاۋىن-شاشىن توقتاپ، باسىم بولىگىندە اۋا تەمپەراتۋراسى تومەندەيدى.

سينوپتيكتەر بولجامىنشا، باتىستا اۋانىڭ تەمپەراتۋراسىنىڭ تۇندە 2-7 گرادۋسقا دەيىن تومەندەپ، كۇندىز 7-15 گرادۋس جىلى بولادى.

رەسپۋبليكانىڭ سولتۇستىگىندە، سولتۇستىك- باتىسىندا جانە ورتالىعىندا تەمپەراتۋرا تومەندەيدى - تۇندە 7-13 گرادۋس اياز، كۇندىز 2- گرادۋس 3+ گرادۋس جىلى بولادى.

شىعىستا اۋانىڭ تەمپەراتۋراسى تۇندە 10-22 گرادۋسقا دەيىن تومەندەسە، كۇندىز 5 گرادۋس ايازدان 3 گرادۋسقا دەيىن جىلى بولادى.

وڭتۇستىك وبلىستاردا تۇندە 0-5، كۇندىز 3-13 گرادۋس جىلى بولادى.