ايداربەك قوجانازاروۆ: دەپۋتاتقا بەرىلەتىن قىزمەتتىك پاتەر مەن كولىكتەن باس تارتۋعا دايىنبىز
«قازىرگى تاڭدا دەپۋتاتتار 1 ميلليون تەڭگەگە دەيىن ايلىق الادى، نەگىزىنەن 600-700 مىڭ تەڭگە. ءسىز وتە تابىستى كاسىپكەرسىز. الداعى برىنەشە جىلدا دەپۋتتاردىڭ ايلىعى كوتەرىلمەيتىنىن ەسكەرسەك، ءسىز وسىنداي ايلىققا جۇمىس ىستەۋگە دايىنسىز با؟ سوندا ومىرىڭىزگە كەرەك قوسىمشا اقشانى قايدان الاسىز؟» - دەپ سۇرادى ب ا ق وكىلى ءماجىلىس كۋلۋارىندا.
ءماجىلىس دەپۋتاتى قازىر ءوز يەلىگىندەگى كومپانيالار سەنىمگەرلىك باسقارۋعا وتكەنىن ايتتى.
«زاڭناما تالاپتارىنىڭ اياسىندا مەن كومپانيالاردى سەنىمگەرلىك باسقارۋعا تابىستادىم. ءبىراق، مەن سول كومپانيالاردان ديۆيدەنتتەر الىپ وتىرامىن. سايكەسىنشە، مەندە قارجىلىق قيىندىقتار تۋىندامايدى. مەن جوسپارلاپ وتىرعان جوقپىن، ءتىپتى دەپۋتاتتىڭ سول ايلىعىنا اسا ءبىر سۇرانىپ تا تۇرعان جوقپىن. ويتكەنى، دەپۋتتارعا بەرىلەتىن پاتەر، ماشينە سياقتى ارتىقشىلىقتار ءۇشىن سايلاۋعا تۇسكەن جوقپىز. ءوز پارتيالاستارىمنىڭ وعان اسا قۇلشىنىپ وتىرماعانىن انىق بىلەم. ەگەر قانداي دا ءبىر زاڭدى جولى بولسا، ءبىز ول ارتىقشىلىقتاردان باس تارتۋعا دايىنبىز»، - دەدى دەپۋتات.
اۆتور
ەسىمجان ناقتىباي