داۋلەت تۇرلىحانوۆ ۇلىنىڭ ىسىنە قاتىستى: مەن ارالاسىپ جاتقان جوقپىن

None
استانا. قازاقپارات - ماجىلىسكە جاڭا سايلانعان دەپۋتات داۋلەت تۇرلىحانوۆ ۇلىنىڭ بۇزاقىلىق ارەكەتىنە قاتىستى ءىستىڭ تەرگەۋ ناتيجەسى جۋىردا بەلگىلى بولاتىنىن ايتتى، دەپ حابارلايدى قازاقپارات ءتىلشىسى.

«بۇگىندە تەرگەۋ امالدارى ءجۇرىپ جاتىر. تاعى ەسكە سالام، ۇلىم كامەلەت جاسىنا تولعان ازامات. مەن چەرنوۆتار وتباسىنان كەشىرىم سۇرادىم، قاجەت جاعدايدا ەمدەۋگە كومەك كورسەتۋگە دايىن ەكەندىگىمدى ايتتىم. ءبىراق، ولاردان حابار بولمادى. الداعى 10 كۇن نەمەسە 2 اپتا كولەمىندە تەرگەۋ ناتيجەسىمەن تانىس بولاسىزدار. بۇل پروتسەسكە مەن ارالاسىپ جاتقان جوقپىن»، - دەدى داۋلەت تۇرلىحانوۆ ءماجىلىستىڭ كۋلۋارىندا باق وكىلدەرىنىڭ ساۋالىنا جاۋاپ بەرە تۇرىپ.

«چەرنوۆتار تاتۋلاسقىسى كەلەدى دەگەن اقپارات بار. قازىر ماڭىزدىسى تەرگەۋ ورگاندارىنىڭ باعاسى بەرىلسىن، ودان ءارى كورە جاتارمىز»، - دەيدى ول.

ودان بولەك، تىلشىلەر قاۋىمى داۋلەت تۇرلىحانوۆتان دەپۋتات رەتىندە ءماجىلىس قابىرعاسىندا قانداي ماسەلەنى كوتەرەتىنى تۋرالى سۇراپ كوردى.

«مەن حالىق يگىلىگىنە جۇمىس ىستەۋگە كەلدىم. ءبىر اي بويى تۇرعىندارمەن، ەڭبەك ۇجىمدارىمەن كەزدەستىم. شتابتاعى وكىلدەرىم تۇرعىنداردىڭ ءوتىنىش، ارىزىن جينادى. سونىڭ نەگىزىندە ماسەلەلەر تىزبەگىن جاسادىق. ونىڭ دەنى مەكتەپتىڭ جەتىسپەۋى، اۋرۋحانا جانە كوپبالالى انالارعا قاتىستى»، - دەيدى ول.

ەسكە سالساق، الماتىدا زاڭگەر اننا دميتريەۆيچ پەن ونىڭ كۇيەۋى ولەگ چەرنوۆ سوققىعا جىعىلعان ەدى. الماتى قالالىق پوليتسيا دەپارتامەنتى اتالعان دەرەك ق ر ق ك-نىڭ 293-بابى «بۇزاقىلىق» بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەنىن حابارلادى.

كەيىن سپورت قايراتكەرى داۋلەت تۇرلىحانوۆ بالاسىنىڭ بۇزاقىلىق ارەكەتىنە بايلانىستى پىكىر ءبىلدىردى.

«اقپاننىڭ 11 ىنە قاراعان ءتۇنى الماتىدا مەنىڭ ۇلىم مەن زاڭگەرلەردىڭ اراسىندا بولعان وقيعاعا قاتىستى پىكىر ءبىلدىرۋدى ءجون دەپ تاپتىم. مەنىڭ ۇلىم نۇراسىل كامەلەت جاسىنا تولعان ازامات، ەگەر ونىڭ كىناسى دالەلدەنسە، وعان قازاقستان رەسپۋبليكاسىنىڭ زاڭدارىنا سايكەس ءتيىستى شارا قولدانىلادى. سونىمەن بىرگە، مەن ۇلىمنىڭ ارەكەتى ءۇشىن كەشىرىم سۇرايمىن»، - دەپ جازعان بولاتىن داۋلەت تۇرلىحانوۆ.

اۆتور

داۋلەت ىزتىلەۋ


سوڭعى جاڭالىقتار