ساياسي قۇرىلىمدى جەتىلدىرىپ، سوت جانە قۇقىق قورعاۋ جۇيەسىندەگى رەفورمالار جالعاسۋ قاجەت - پرەزيدەنت

استانا. قازاقپارات - ساياسي قۇرىلىمدى جەتىلدىرۋ قاجەت. بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«نەبارى ءبىر جىلدا مۇنداي اۋقىمدى جۇمىستى ىسكە اسىرۋ - ناعىز جاسامپاز جۇرتتىڭ عانا قولىنان كەلەتىن شارۋا. ءبىز وتانىمىزدى وركەندەتۋ جولىندا زور بەتبۇرىس جاساپ، جاڭا داۋىرگە قادام باستىق. ءبىراق، وزگەرىستەر مۇنىمەن بىتپەيدى. بۇل - ۇزاق جولدىڭ باسى عانا. رەفورمالار جالعاسا بەرەدى، ساياسي قۇرىلىمدى جەتىلدىرۋ قاجەت. بۇل - اسا ماڭىزدى جۇمىس»، - دەدى مەملەكەت باسشىسى.

سونىمەن قاتار، «سوت جانە قۇقىق قورعاۋ جۇيەسىندەگى رەفورمالار جالعاسادى»، - دەدى پرەزيدەنت.

پرەزيدەنت رەتىندە بيزنەسكە مەملەكەت تاراپىنان قولداۋ كورسەتىلەتىنىنە كەپىلدىك بەرەمىن. بۇل تۋرالى VIII سايلانعان ق ر پارلامەنتىنىڭ ءبىرىنشى سەسسياسىنىڭ وتىرىسىندا مەملەكەت باسشىسى قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«ەلدى جايلاعان ىندەت جانە ونىڭ سالدارى كاسىپكەرلەرگە وڭاي تيمەگەنى انىق. بىلتىردان بەرى ساياسي جۇيەنى جاڭعىرتۋعا باسا ءمان بەردىك. ەندى ەكونوميكاداعى ناقتى ماسەلەلەرمەن اينالىساتىن كەز كەلدى. بۇل جۇمىستى مىقتاپ قولعا الۋ كەرەك. ءبىزدىڭ باستى مىندەتىمىزدىڭ ءبىرى - جەكە مەنشىكتى قورعاۋ جانە نارىقتىڭ باسەكەلى بولۋىن قامتاماسىز ەتۋ. سول ءۇشىن سوت جانە قۇقىق قورعاۋ جۇيەسىندەگى رەفورمالاردى جالعاستىرۋ قاجەت»، - دەدى قاسىم-جومارت توقايەۆ.

وسى ورايدا ورايدا پرەزيدەنت ەلىمىزدىڭ كاسىپكەرلەرىنە ۇندەۋ جاسادى.

«قازاقستان - ءبارىمىزدىڭ ورتاق مەكەنىمىز. ەندەشە، قاستەرلى وتانىمىزدى بىرگە وركەندەتەيىك، بولاشاعىمىزدى بىرگە قۇرايىق. مەن پرەزيدەنت رەتىندە سىزدەرگە مەملەكەت تاراپىنان قولداۋ كورسەتىلەتىنىنە كەپىلدىك بەرەمىن. ءبىز شاعىن جانە ورتا بيزنەستىڭ باسەكەگە قابىلەتىن ارتتىرۋ ماسەلەسىنە باسا ءمان بەرەمىز. وسى ورايدا، شاعىن جانە ورتا بيزنەسكە قولداۋ كورسەتۋدىڭ ءبىرىڭعاي كەشەندى باعدارلاماسىن ازىرلەۋ قاجەت»، - دەدى مەملەكەت باسشىسى.