قازاقستان- قىتاي قارىم- قاتىناسىن ارتتىرۋعا مۇمكىندىك مول
ەندى قىتاي نارىعىنا جونەلتىلەتىن قازاقستاندىق تاۋارلاردىڭ كولەمى ارتادى. ەكسپورتقا شىعاتىن تاۋارلاردىڭ باسىم بولىگى اۋىلشارۋاشىلىق ونىمدەرى. اتاپ ايتقاندا، كورشى مەملەكەتتەن ەت، بالىق ونىمدەرى، جۇمىرتقا مەن ماقسارى مايلارىنا سۇرانىس كوپ. شەكارا ماڭى ىنتىماقتاستىعىنىڭ 2- دوستىق ديالوگىنا كورشى ەلدىڭ دەلەگاتسياسىن قىتاي حالىق رەسپۋبليكاسى شىڭجاڭ- ۇيعىر اۆتونوميالىق اۋدانى قىتاي كوممۋنيستىك پارتياسى پارتيا كوميتەتىنىڭ حاتشىسى ما شيڭرۇي باستاپ كەلدى.
ايتا كەتەيىك، قىتاي - قازاقستاننىڭ ەڭ ءىرى ساۋدا سەرىكتەستەرىنىڭ ءبىرى. وتكەن جىلى ەكى ەل اراسىنداعى تاۋار اينالىمى 24 ميلليارد دوللاردان استى. الداعى ۋاقىتتا قازاقستان قىتايعا 135 تاۋار ءتۇرى بويىنشا وتاندىق ءونىمنىڭ ەكسپورتىن ارتتىرا الادى، - دەدى ەلىمىزدىڭ ۇكىمەت باسشىسىنىڭ ورىنباسارى- ساۋدا جانە ينتەگراتسيا ءمينيسترى سەرىك جۇمانعارين.
قايرات تورەبايەۆ، ق ر ساۋدا جانە ينتەگراتسيا ءمينيسترىنىڭ ورىنباسارى:
- ساپالى اۋىلشارۋاشىلىق ونىمدەرىنە سۇرانىس جوعارى. وزدەرىڭىز بىلەسىزدەر، قازاقستان ەكولوگيالىق تازا، ساپالى ءونىم شىعارادى. سوندىقتان، قىتاي ءبىزدىڭ تاۋارلارىمىزعا قىزىعۋشىلىق تانىتىپ وتىر. ءبىز ەلىمىزدەگى اۋىلشارۋاشىلىق ونىمدەرىن وندىرەتىن كاسىپورىنداردىڭ الەۋەتىن ساراپتادىق. جالپى العاندا قازاقستان تاۋار ەكسپورتىن تاعى 1 ميلليارد دوللارعا ارتتىرا الادى دەگەن شەشىمگە كەلدىك. ءبىز وتاندىق تاۋارلاردى قىتاي نارىعىنا كەدەرگىسىز جەتكىزۋ ماسەلەلەرىن تالقىلادىق.
www.24.kz