ساۋىردە قازاقستاننان باكۋ ارقىلى مۇناي ترانزيتى بىرنەشە ەسەگە ارتادى
ايتا كەتۋ كەرەك، ونىڭ 20 مىڭ تونناسى تەڭىز كەنىشىندەگى مۇنايدىڭ ەكى پارتياسى بولسا، 7 مىڭ تونناسى - قاشاعاننان الىنعان سىناق پارتياسى.
«قازمۇنايگازدىڭ» مالىمەتىنشە، ساۋىردە تەڭىزدەن كاسپي تەڭىزى مەن ب ت ج ارقىلى الەمدىك نارىققا 125 مىڭ توننا مۇناي شىعۋى مۇمكىن.
بۇل رەتتە قاشاعانمەن مۇناي بويىنشا كەلىسسوزدەر جۇرگىزىلۋدە.
SOCAR Midstream Operations تۇسىندىرمەسىنە سۇيەنسەك، قازاقستاندىق مۇنايدى ب ت ج ارقىلى تاسىمالداۋ SOCAR مەن «قازمۇنايگاز» اراسىندا جاسالعان جانە جىلىنا 1,5 ميلليون مۇناي ترانزيتىن قاراستىراتىن كەلىسىم نەگىزىندە جۇزەگە اسىرىلادى.
2023 -جىلدىڭ سوڭىنا دەيىن ب ت ج ارقىلى قازاقستان مۇنايىنىڭ كاسپي تەڭىزى ارقىلى ترانزيتى ءۇشىن اقتاۋدان سانعاشال تەرمينالىنا دەيىن 12-14 تانكەر رەيسى جوسپارلانعان.
قازىرگى ۋاقىتتا ب ت ج مۇناي قۇبىرى ارقىلى ازەربايجان- چيراگ- گۇنەشلي كەن ورىندارى بلوگىنىڭ مۇنايى مەن شاح- دەنيز كەن ورنىنىڭ كوندەنساتى، سونداي- اق تۇركىمەنستان مەن قازاقستاننىڭ مۇنايى ايدالادى.
اۆتور
اسحات رايقۇل