شوتلانديا بيلىگىنە العاش رەت مۇسىلمان ساياساتكەر كەلدى
سەيسەنبى كۇنى شوتلانديا پارلامەنتى ونى شوتلانديانىڭ جاڭا ءبىرىنشى ءمينيسترى ەتىپ بەكىتتى، دەپ حابارلايدى قازاقپارات BBC-گە سىلتەمە جاساپ.
پارتيانىڭ جاڭا كوشباسشىسىن سايلاۋ 13-ناۋرىزدا باستالدى.
ءبىر اي بۇرىن شوتلانديانىڭ ۇلتتىق پارتياسىنىڭ جەتەكشىسى جانە شوتلانديانىڭ ءبىرىنشى ءمينيسترى نيكولا ستەردجەن سەگىز جىلدان استام قىزمەتىنەن كەيىن وتستاۆكاعا كەتەتىنىن مالىمدەدى.
كونكۋرسقا ءبىر جىنىستى نەكەگە قاتىستى كوزقاراسى ءۇشىن باسى داۋعا قالعان قارجى ءمينيسترى كەيت فوربس، شوتلاندياداعى گەندەرلىك رەفورمالارعا بايلانىستى مينيسترلىك قىزمەتىنەن كەتكەن جانە ءقازىر تاۋەلسىزدىك قوزعالىسىن بىرىكتىرۋگە تىرىسىپ جۇرگەن ەش ريگان جانە كانديداتۋراسىن پارتيا باسشىلىعى قولداعان يۋساف قاتىستى.
حۋمزا يۋساف 1979 -جىلدان بەرگى پارتيانىڭ بەسىنشى جەتەكشىسى بولدى.
ونىڭ باستى مىندەتى - سوڭعى جىلدارى شوتلانديا ساياساتىندا ۇستەمدىك ەتىپ، ستەردجەن كەتكەننەن كەيىن ءبىرقاتار ماسەلەلەرگە تاپ بولعان پارتيانى بىرىكتىرۋ.
يۋساف ساياسي كوزقاراسىنا قاراماستان ءبىرىنشى مينيستر بولىپ بەكىتىلسە، شوتلانديانىڭ بارلىق تۇرعىندارىنىڭ اتىنان شىعاتىنىن بىردەن مالىمدەگەن.
ەسكە سالا كەتەيىك، بۇعان دەيىن شوتلانديانىڭ ءبىرىنشى ءمينيسترى وتستاۆكاعا كەتكەنىن حابارلاعان ەدىك.
اۆتور
سماعۇلوۆا ەركەجان