سالىقتىق جانە كەدەندىك قىزمەت تۇرلەرىن موبيلدى قوسىمشالار ارقىلى الۋعا بولادى
مەملەكەتتىك كىرىستەر كوميتەتىنىڭ مالىمەتىنشە، بۇدان باسقا، ءبىرقاتار مەملەكەتتىك قىزمەتتەر مەن ەلەكتروندى سەرۆيستەر e-Salyq Azamat جانە e-Salyq Business ءموبيلدى قوسىمشالارىندا بار.
بۇگىندە مەملەكەتتىك قىزمەتتەردى ونلاين فورماتتا الۋ مۇمكىندىگى قوعامدا وڭ پىكىر قالىپتاستىردى.
ەلەكتروندىق فورماتقا كوشكەن 39 مەملەكەتتىك قىزمەتتىڭ كەلەسى 15 ءى eGov mobile جانە eGov Business ءموبيلدى قوسىمشالارىندا قولجەتىمدى: دارا كاسىپكەردىڭ مارتەبەسىن تەكسەرۋ، سالىق ەسەپتىلىگىن قاراۋ جانە سالىقتاردى تولەۋ، دارا كاسىپكەر رەتىندە قىزمەتتىڭ باستالعانى تۋرالى حابارلاما، جەكەلەگەن قىزمەت تۇرلەرىن جۇزەگە اسىراتىن سالىق تولەۋشى رەتىندە قىزمەتتىڭ باستالعانى جانە توقتاتىلعانى تۋرالى حابارلاما جانە باسقالار.
سونىمەن قاتار، 2023-جىلدان باستاپ مەملەكەتتىك مەكەمەلەر مەن كۆازيمەملەكەتتىك سەكتور سۋبەكتىلەرىنىڭ قىزمەتكەرلەرى مەن ولاردىڭ جۇبايلارى كىرەتىن جالپىعا بىردەي دەكلاراتسيالاۋدىڭ ەكىنشى كەزەڭى شەڭبەرىندە eGov mobile-دا 250.00 نىسانىنداعى دەكلاراتسيانى ۇسىنۋ قىزمەتى ىسكە قوسىلدى.
سونىمەن قاتار، سالىق تولەۋشىلەردىڭ سالىق مىندەتتەمەلەرىن ورىنداۋىن جەڭىلدەتۋ ءۇشىن 11 سەرۆيس جانە 2 مەملەكەتتىك قىزمەت جۇمىس ىستەيتىن e-Salyq Azamat جانە e-Salyq Business ارنايى موبيلدى قوسىمشالارى جۇمىس ىستەيدى.
كاسىپكەرلەرگە ىڭعايلى بولۋ ءۇشىن Homebank جانە Kaspi.kz قوسىمشىلارىندا 910.00 نىسانى بويىنشا سالىق ەسەپتىلىگىن ۇسىنۋ، سونداي-اق دارا كاسىپكەردى تىركەۋ، دارا كاسىپكەردىڭ دەرەكتەمەلەرىن وزگەرتۋ، سالىقتار بويىنشا بورىشتار، كولىك جانە مۇلىك سالىعى، دارا كاسىپكەر ءۇشىن تولەمدەر جانە ت. ب. سياقتى سەرۆيستەر قوسىلعان.
بۇدان بولەك، «بيۋجەتپەن، سونداي-اق الەۋمەتتىك تولەمدەر بويىنشا ەسەپ ايىرىسۋلاردىڭ جاي- كۇيى تۋرالى دەربەس شوتتان ءۇزىندى كوشىرمەلەر بەرۋ» جانە «مەملەكەتتىك كىرىستەر ورگاندارىندا ەسەپكە الۋ جۇرگىزىلەتىن بەرەشەكتىڭ جوق (بار) ەكەندىگى تۋرالى مالىمەتتەردى ۇسىنۋ» قىزمەتتەرى، سونداي-اق كەيبىر سەرۆيستەر Smart Bridge-گە جانە kgd.gov.kz كوميتەت پورتالىنا شىعارىلدى.
مەملەكەتتىك كىرىستەر ورگاندارى جەكە جانە زاڭدى تۇلعالارعا 43 مەملەكەتتىك قىزمەت ءتۇرىن كورسەتەدى، ونىڭ 26 سى سالىقتىق، 17 ءسى كەدەندىك باعىتتاعى قىزمەتتەر. بۇگىنگى تاڭدا 43 مەملەكەتتىك قىزمەتتىڭ 39 ى (نەمەسە %91) ەلەكتروندىق فورماتقا اۋىستىرىلدى.