ساراپشى ءالىمحان ۇلىنىڭ كەلەسى قارسىلاسىنا قاتىستى جاعىمسىز شىندىقتى ايتتى

استانا. قازاقپارات - سپورت تۋرالى جازاتىن امەريكالىق Badlefthook.com پورتالىنىڭ شولۋشىسى پاتريك ل. ستۋمبەرگ ورتا سالماقتا WBO چەمپيونى جانىبەك ءالىمحان ۇلىنىڭ (13-0، 8 ك و) كەلەسى قارسىلاسىنا قاتىستى ويىن ايتتى، دەپ حابارلايدى Vesti.kz.

«باتلەر رەيتينگتە التىنشى - بۇل شىنىن ايتقاندا دەزەل بەنتليمەن سالىستىرعاندا ءبىر قادام كەرى شەگىنۋ. باتلەر قيىندىقتى ەڭسەرە المايدى، وسالداۋ - 2017-جىلى برەندون كۋكتان جاستىق، تاجىريبەسىزدىكتەن جەڭىلدى، ال ريوتا مۋراتا وتە مىقتى بولدى دەسەك، حوسە دە حەسۋس ماسياستان جەڭىلىپ قالۋىن ەشتەڭەمەن اقتاۋعا كەلمەيدى.

شىنىن ايتايىن، بۇل تاڭداۋعا ءالىمحان ۇلى كىنالى دەپ تۇرعان جوقپىن. ليام سميتپەن جاعداي بەلگىلى، ال باتلەردەن جوعارى تۇرعان وزگە جىگىتتەردىڭ ءبىرى قازاق، ال وزگەلەرىنىڭ جەكپە-جەكتەرى بەلگىلەنىپ قويعان. حايمە مۋنگيا بولسا ايقاسپايتىنىن اشىق ايتتى. ال ءبىز جانىبەكتىڭ ورتا سالماقتاعى شىن مىقتىمەن ايقاسقانىن كورگىمىز كەلەدى»، - دەلىنگەن ماتىندە.