ەلوردالىقتار شاۆكات راحمونوۆقا شاپان جاۋىپ، ات مىنگىزدى
وتاندىق سپورتشىعا ات مىنگىزۋ ءساتىنىڭ ۆيدەوسى Instagram جەلىسىندە تارادى.
ۆيدەودان بايقاعانداي، شاۆكات راحمونوۆقا جۇرتشىلىق شاپان جاۋىپ، ات مىنگىزىپ، قۇرمەت كورسەتىپ جاتىر.
سونداي-اق، بەينەجازبا استىندا شاۆكات راحمونوۆتقا اتالعان سىيدى مەتسەنات، استانا قالاسى بويىنشا ات سپورتى فەدەراتسياسىنىڭ پرەزيدەنتى الىبەك مۇقاتايەۆتىڭ جاساعانى ايتىلعان.
«ءوزىم سپورتپەن اينالىسامىن جانە سپورتشىلاردى جاقسى تۇسىنەمىن. وسكەلەڭ ۇرپاقتىڭ سپورتپەن شۇعىلدانۋىنا جانە ۇلگى تۇتۋ ماقساتىندا شاۆكاتقا جىلقى سىيعا تارتۋدى ۇيعاردىم. الەۋمەتتىك مەديانىڭ كۇشىن بىلەسىز، بۇنى كورگەن جاستار ويلانادى، تۇرتكى بولادى، دەم بەرەدى. شاۆكات راحمونوۆتان بولەك، بۇعان دەيىن بوكسشى ساكەن بيبوسىنوۆ جانە باسقا دا سپورتشىلارعا ات مىنگىزدىم. سپورتشى جىگىتتەرىمىزدى ۇنەمى قولداۋعا تىرىسامىن»، - دەيدى مەتسەنات الىبەك مۇقاتايەۆ.
ەستەرىڭىزگە سالا كەتەيىك، 5- ناۋرىز كۇنى لاس-ۆەگاستا (نيەۆادا شتاتى، ا ق ش) وتكەن UFC 285 تۋرنيرىندە شاۆكات راحمونوۆ امەريكالىق دجەفف نيلدى (15-5) بۋىندىرۋ تاسىلىمەن جەڭگەن بولاتىن.
كۇنى كەشە شاۆكات راحمونوۆتى مەملەكەت باسشىسى قاسىم-جومارت توقايەۆ قابىلدادى.
Посмотреть эту публикацию в Instagram