جۋسان بانكتتىڭ قازىرگى قارجىلىق جاعدايى بەلگىلى بولدى

استانا. قازاقپارات - تالداۋ بارىسىندا «Jusan» توبىنىڭ اكتيۆتەرىن باسقارۋ قۇرىلىمىن وزگەرتۋدىڭ كولەڭكەلى سحەماسى انىقتالدى.

ال بيىل اقپاندا اتالعان بانكتىڭ كەيبىر اكسيالارى بۇعاتتالدى. وسى ورايدا قارجى نارىعىن رەتتەۋ جانە دامىتۋ اگەنتتىگى بانكتىڭ قازىرگى جاعدايىنا باعا بەردى، دەپ حابارلايدى قازاقپارات ءتىلشىسى.

«Jusan Bank- ءتىڭ قازىرگى قارجى جاعدايى تۇراقتى. اكتيۆتەر بويىنشا ەلىمىزدەگى 23 بانكتىڭ اراسىندا 6-ورىندا. اتالعان بانكتىڭ اكتيۆى - 2,6 تريلليون تەڭگە، ال ونىڭ وتىمدىلىگى - 1,4 تريلليون تەڭگە. كاپيتال كوەففيتسيەنتتەرى - %33، ءبىزدىڭ اگەنتتىك تاراپىنان قويىلاتىن مينيمالدى تالاپ - %7,5»، - دەدى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ولجاس قيزاتوۆ و ك ق- دە وتكەن بريفينگىدە.

ونىڭ ايتۋىنشا، كاپيتال جانە وتىمدىلىك بويىنشا اتالعان بانكتىڭ جاعدايى وتە جاقسى.

ەسكە سالساق، جاقىندا باس پروكۋراتۋرا Jusan توبىن قازاقستانعا قايتارۋ جۇمىسى جۇرگىزىلىپ جاتقانىن حابارلاعان ەدى.

وتكەن جىلى ماۋسىمدا پرەزيدەنت قاسىم-جومارت توقايەۆتىڭ تاپسىرماسى بويىنشا ەلدەن زاڭسىز شىعارىلعان قاراجاتتى قازاقستانعا قايتارۋ جونىندەگى ۆەدومستۆوارالىق كوميسسيا قۇرىلعان ساتتەن باستاپ باس پروكۋراتۋرا كاپيتالدى جىمقىرۋ جانە شەت ەلگە شىعارۋ فاكتىلەرىن انىقتاۋ ءۇشىن بانك سەكتورىندا تالداۋ جۇرگىزدى.

سونداي-اق، بيىل اقپاندا Jusan Bank- ءتىڭ كەي اكسيالارى بۇعاتتالعانى بەلگىلى بولدى.

سونىمەن قاتار نازاربايەۆ زياتكەرلىك مەكتەپتەرى Jusan-دى ەلگە قايتارۋعا قاتىستى مالىمدەمە جاسادى.