18:57, 28 - ناۋرىز 2023 | GMT +6
مەككەگە بارار جولداعى اۆتوبۋس اپاتى: زارداپ شەككەندەر ىشىندە قازاقستاندىقتار جوق
استانا. قازاقپارات - مەككەگە قاجىلاردى تاسىمالداعان اۆتوبۋس اپاتىندا زارداپ شەككەندەر مەن قازا تاپقاندار اراسىندا قازاقستاندىقتار جوق، دەپ حابارلايدى قازاقپارات ءتىلشىسى.
«ساۋديا پوليتسياسىنىڭ مالىمەتىنشە، زارداپ شەككەندەر اراسىندا ءبىزدىڭ ازاماتتارىمىز جوق»، - دەدى قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
بۇعان دەيىن ساۋد ارابياسىنىڭ وڭتۇستىك-باتىسىندا جول-كولىك وقيعاسى سالدارىنان 20 ادام قازا تاپقانى حابارلانعان ەدى.
تاعى 29 ادام زارداپ شەككەن. اپات اسير اكىمشىلىك اۋدانىندا بولعان جانە اۆتوبۋستىڭ تەجەگىشىنەن اقاۋ تابىلعان.
اۆتوبۋستا ۋمرا جاساۋ ءۇشىن مەككەگە بارا جاتقان قاجىلار وتىرعانى انىقتالدى. ولاردىڭ بارلىعى يەمەننەن كەلگەن.
قايعىلى وقيعا اسير اكىمشىلىك اۋدانىندا بولعان. اپاتقا تەجەگىشتىڭ ىستەن شىعۋى سەبەپ بولعان. سالدارىنان اۆتوبۋس كوپىردىڭ ارالىعىنا سوعىلىپ، ورتەنىپ كەتكەن.
وقيعا ورنىنا ءورت سوندىرۋشىلەر مەن جەدەل جاردەم قىزمەتكەرلەرى كەلدى.