جولاۋشىلار اۆتوبۋسى ورتەنىپ، ونداعان ادام قازا تاپتى

استانا. قازاقپارات - ساۋد ارابياسىنىڭ وڭتۇستىك-باتىسىندا قاجىلار مىنگەن اۆتوبۋس جول اپاتىنا ۇشىراپ، 20 ادام قازا تاپتى، تاعى 29 ادام جاراقات الدى، دەپ حابارلايدى قازاقپارات Report اگەنتتىگىنە سىلتەمە جاساپ.

قايعىلى وقيعا اسير اكىمشىلىك اۋدانىندا بولعان. اپاتقا تەجەگىشتىڭ ىستەن شىعۋى سەبەپ بولعان. سالدارىنان اۆتوبۋس كوپىردىڭ ارالىعىنا سوعىلىپ، ورتەنىپ كەتكەن.

وقيعا ورنىنا ءورت سوندىرۋشىلەر مەن جەدەل جاردەم قىزمەتكەرلەرى كەلدى.

بارلىعى ۋمرا قاجىلىعىن وتەۋ ءۇشىن يەمەننەن كەلگەن جولاۋشىلار بولىپ شىقتى.