بىلگەن ءجون! ءتۇرلى ەلدەردەگى تىيىم سالىنعان ارەكەتتەر

None
استانا. قازاقپارات - الداعى دەمالىس ماۋسىمىندا باراتىن ەلدەگى ەرەجەلەر مەن تىيىمداردى بىلگەن ءجون. ولاي بولماعان جاعدايدا ايىپپۇلدار قالتاڭىزدى قاعىپ الۋى مۇمكىن، - دەپ حابارلايدى Tengritravel.kz.

سينگاپۋر: ساعىز ونىمىنە تىيىم سالىنعان

1992 -جىلدان باستاپ قالاداعى تازالىقتى ساقتاۋ ءۇشىن ساعىزعا تىيىم سالىنعان بولاتىن. بۇل كوپشىلىك ورىندارداعى ساعىز قالدىقتارىن تازالاۋعا ۇكىمەت ۇلكەن قارجى جۇمساعاندىعىنا بايلانىستى بولدى.

بۇل ەلدە تەك ەمدىك ماقساتتاعى ساعىزدى ءدارىحانادان عانا الۋعا بولادى. ال ەگەر ساتۋعا ساعىز الىپ بارساڭىز 5500 دوللار ايىپپۇل نەمەسە 1 جىلعا تۇرمەگە قامالۋىڭىز ىقتيمال. ءجاي ءوزىڭىز ءۇشىن ساعىزىڭىز بولسا دا ايىپپۇل تولەيسىز - 1000 دوللار.

فرانسيا: قوشتاسىپ جاتقاندا سۇيىسۋگە بولمايدى

ءپاريجدىڭ تەمىرجول ۆوكزالىندا سۇيىكتىڭىزبەن قوشتاساردا سۇيىسۋگە بولمايدى. بۇل قىزىق زاڭ 1910 -جىلى قابىلدانىپتى. بۇل پويىزداردىڭ ءجۇرۋ ۋاقىتىنا كەدەرگى بولعاندىقتان قابىلدانعان ەكەن. دەگەنمەن ءقازىر بۇل ءۇشىن ەشكىمدى دە جازالامايدى.

يرلانديا: ايەل ۇيلەنۋ تۋرالى ۇسىنىس جاساسا، باس تارتۋعا بولمايدى

بۇل ەلدە ايەل ادام سۇيىكتىسىنە ءوزىن جار ەتىپ الۋدى ۇسىنسا، ەر ادامنىڭ باس تارۋعا قۇقى جوق. بۇل سوناۋ XI عاسىرداعى جارعى ەكەن. باس تارتقان ەر ادام رەنجىتىپ العان ايەلگە ايىپپۇل تولەۋ كەرەك بولادى. دەگەنمەن بۇل ءتورت جىلدا ءبىر كەلەتىن 29-اقپاندا عانا ىسكە اساتىن زاڭ.

بەلگيا: قارمەن اتىسۋعا بولمايدى

بەلگيادا قار وتە سيرەك جاۋادى. ال جاۋعان كەزدە كولىك كەپتەلىسى بولىپ، ساباقتار بولماي قالادى ەكەن. بالالار ساباق ورنىنا قارمەن اتىسىپ كەتەدى. 2013 -جىلى بيلىك قارمەن اتىسۋ تاس لاقتىرۋمەن تەڭ دەگەن شەشىمگە كەلىپتى. قار لاقتىراتىن بولساڭىز 100 ەۋرو ايىپپۇل تولەيسىز. كانادانىڭ تورونتو قالاسىندا دا 2004 -جىلدان بەرى قارمەن ويناۋعا تىيىم سالىنعان.

مالايزيا: سارى كيىمگە تىيىم

بۇل زاڭ 2011 -جىلى قابىلدانىپتى. جەرگىلىكتى وپپوزيتسيالىق بەلسەندىلەر سارى كيىم كيگەن ەكەن. سودان ءقازىر ءتىپتى سارى ءتۇستى بىلەزىك پەن باۋدى دا ەشكىمنەن كورە المايدى ەكەنسىز.

پاكىستان مەن ساۋد ارابياسى: اۋلەي ۆالەنتين كۇنىن اتاپ وتۋگە بولمايدى

2008 -جىلى ساۋد ارابياسىندا، ال 2017 -جىلى پاكىستاندا وسى كۇندى تويلاۋعا تىيىم سالىندى. يندونەزيادا دا وسىنداي ەكەن.

دانيا: بالالارعا ءبىرتۇرلى ەسىم قويۋعا بولمايدى

دانيادا بالالارعا رۇقسات ەتىلگەن تىزىمنەن عانا ات قويۋعا بولادى. ول تىزىمدە قىز بالاعا 18 مىڭ، ال ۇل بالاعا 15 مىڭ ەسىم بار ەكەن. دەگەنمەن بالاعا ەرەكشە ات قويعىڭىز كەلسە، جەرگىلكتى Ankestyrelsen ورگانىنا بارىپ، تىزىمدە جوق ەسىمدى بەكىتتىرىپ السا دا بولاتىن كورىنەدى.

سوڭعى جاڭالىقتار