ەندى قىتايعا جۇك تاسىمالدايتىن وتاندىق جۇرگىزۋشىلەرگە رۇقسات ەلەكتروندىق تۇردە بەرىلەدى

استانا. قازاقپارات - قازاقستاندىق جۇك تاسىمالداۋشىلارعا شەت مەملەكەتتەردىڭ اۋماعى ارقىلى ءوتۋ ءۇشىن بەرىلەتىن رۇقسات ەلەكتروندى فورماتتا ۇسىنىلادى، دەپ حابارلايدى «قازاقپارات» ح ا ا ءتىلشىسى.

«2023 -جىلعى 1- ساۋىردەن 2024 -جىلعى 15- ناۋرىزعا دەيىن «ق ر راتيفيكاتسيالاعان حالىقارالىق شارتتارعا سايكەس قازاقستان رەسپۋبليكاسىنىڭ تاسىمالداۋشىلارىنا شەت مەملەكەتتىڭ اۋماعى بويىنشا جول جۇرۋگە رۇقسات بەرۋ» مەملەكەتتىك كورسەتىلەتىن قىزمەت بويىنشا پيلوتتىق جوبا ىسكە اسىرىلسىن»، - دەلىنگەن «اشىق» ن ق ا پورتالىندا جاريالانعان بۇيىرىق جوباسىندا.

قۇجاتقا قوسىمشا بەرىلگەن تۇسىندىرمەدە بۇل قىزمەتتىڭ اقىلى ەكەنى جازىلعان.

«مەملەكەتتىك قىزمەت جەكە جانە زاڭدى تۇلعالارعا اقىلى نەگىزدە كورسەتىلەدى. جولاۋشىلار مەن جۇكتەردى حالىقارالىق قاتىناستا تاسىمالداۋدى جۇزەگە اسىراتىن وتاندىق اۆتوكولىك قۇرالدارىنىڭ قازاقستان رەسپۋبليكاسىنىڭ اۋماعىنان شىعۋى ءۇشىن الىم «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» (سالىق كودەكسى) قازاقستان رەسپۋبليكاسىنىڭ 2017 -جىلعى 25-جەلتوقسانداعى كودەكسىندە بەلگىلەنگەن الىم مولشەرلەمەسى بويىنشا رەسپۋبليكالىق بيۋدجەتكە تولەنەدى جانە الىم تولەنگەن كۇنگە قولدانىستاعى 1 ا ە ك- ءتى (3450 تەڭگە) قۇرايدى. الىم سوماسىن تولەۋ پورتال ارقىلى جۇزەگە اسىرىلادى»، - دەپ تۇسىندىرمە بەرىلگەن بۇيىرىققا.

قىتايعا بارۋ ءۇشىن بەرىلەتىن «س» نۇسقاسىنداعى ەلەكتروندىق رۇقساتتار مىنا كەدەندىك پۋنكتتەردە ىسكە اسىرىلادى:

1) دوستىق- اۆتو (جەتىسۋ وبلىسى)؛

2) نۇر جولى (جەتىسۋ وبلىسى)؛

3) قالجات (الماتى وبلىسى)؛

4) باقتى (اباي وبلىسى)؛

5) مايقاپشاعاي (شىعىس قازاقستان وبلىسى).

ەسكە سالا كەتەيىك، بۇعان دەيىن پرەمەر- مينيستر جاۋپتى ۆەدومسۆولارعا قىتايدان جۇك تاسىمالداۋداعى كەدەرگىلەردى جەدەل جويۋدى تاپسىرعان بولاتىن.

اۆتور

ءاليحان اسقار