اۋىر جۇمىس ىستەيتىن ادام ورازا ۇستاماسا بولا ما؟
قازاقستاندا ءارتۇرلى كاسىپتە جۇمىس ىستەيتىن ادامدار بار. سولاردىڭ ءبىرى - اۋىر جۇمىس ىستەيتىن ادامدار. ولارعا ورازا ۇستاماسا بولا ما؟
«اۋىر جۇمىس ىستەيتىن ادامدار قاتتى شولدەپ نەمەسە قاتتى قارنى اشىپ، ەسىنەن تانىپ، ءتىپتى، ولىمگە دەيىن الىپ باراتىن جاعدايعا تاپ بولاتىن بولسا، وسىنداي جاعدايدا عانا وعان اۋزىن اشۋعا رۇقسات ەتىلەدى. سوڭىنان سول كۇننىڭ قازاسىن عانا وتەيدى. ال ەندى ەشبىر سەبەپسىز، ءوزىن السىرەتىپ، ءتىپتى، ول اۋزىن اشۋعا دەيىن الىپ باراتىن بولسا، مۇنداي جاعدايدا ەشقانداي زارۋلىك جاعداي ورىن الماعاندىقتان، ونىڭ ورازاسى بۇزىلىپ، سول كۇننىڭ قازاسىمەن قوسا كاففاراتىن دا وتەيدى»، - دەدى باۋىرجان ءابدۋالى.
مامان اۋىر جۇمىس ىستەيتىندەرگە ەڭبەك دەمالىسىن الدىن الا رامازان ايىنا جوسپارلاۋعا كەڭەس بەردى.
«ادامداردىڭ»مەن اۋىر جۇمىس ىستەيمىن، مەن ءباربىر اۋزىمدى اشىپ قويامىن، ودان دا ورازا ۇستاماي-اق قويايىن«دەپ ويلاۋى دۇرىس ەمەس. مىندەتتى تۇردە ۇستاۋ كەرەك. اۋزىن بەكىتۋ كەرەك. ودان كەيىن جاڭاعىداي باسى اينالىپ نەمەسە قارنى اشىپ، ولىمگە دەيىن بارىپ جاتقان بولسا، سول كەزدە عانا اشۋعا رۇقسات. وعان دەيىن رۇقسات جوق. ەندى سوندىقتان دا مۇنداي اۋىر جۇمىس ىستەيتىن ادامدار نەگىزى جاڭاعى ەڭبەك دەمالىسىن الدىن الا وسى رامازان ايىنا جوسپارلاپ السا بولادى. نەمەسە مۇمكىندىك بولسا، جۇمىستارىن كىشكەنە قىسقارتىپ، قيىنداتپاي، ورازا ۇستاۋعا ارەكەت ەتكەن دۇرىس»، - دەدى باۋىرجان ءابدۋالى.