تالدىقورعاندا ءانشى قايرات نۇرتاس وتىرعان كولىك جول ەرەجەسىن ورەسكەل بۇزدى

تالدىقورعان. قازاقپارات - تالدىقورعاندا قايرات نۇرتاس وتىرعان كولىك جول ەرەجەسىن ورەسكەل بۇزدى. ولار كولىك جۇرۋگە تىيىم سالىنعان جەرمەن ءجۇرىپ وتكەن، - دەپ حابارلايدى قازاقپارات ءتىلشىسى.

جەلىگە ءانشى قايرات نۇرتاستىڭ كولىكپەن جۇرۋگە رۇقسات ەتىلمەگەن جەرمەن كەتىپ بارا جاتقان ۆيدەوسى جاريالاندى. بۇل جايتقا وقىرماندار نارازىلىق ءبىلدىرىپ، ەرەجەنى بۇزعان كولىك جۇرگىزۋشىسى انىقتالىپ، وعان ايىپپۇل سالىندى.

«Mercedes-Benzجۇرگىزۋشىسى تالدىقورعان قالاسىندا ق ر جول ەرەجەلەرىن بۇزۋعا جول بەرگەنىن حابارلايمىز (قوزعالىسقا تىيىم سالىنادى). ىزدەستىرۋ ءىس- شارالارى بارىسىندا 45 جاستاعى اۆتوكولىك جۇرگىزۋشىسى الماتى قالاسىنىڭ اۋماعىندا ۇستالىپ، ق ر ا ق ب ت ك 601-بابى بويىنشا اكىمشىلىك جاۋاپقا تارتىلدى (جول بەلگىلەرىمەن كورسەتىلگەن تالاپتاردى ساقتاماۋ). جەتىسۋ پوليتسياسى ازاماتتارعا بەلسەندى ازاماتتىق ۇستانىمىن كورسەتكەنى، قۇقىق بۇزۋشىلىقتارعا بەيجاي قاراماعانى جانە قۇقىقتىق ءتارتىپ ورگاندارىنا جاردەمدەسكەنى ءۇشىن العىس بىلدىرەدى»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.

ايتا كەتەيىك، قايرات نۇرتاس ۆيدەونى تالدىقورعاننىڭ ورتالىق الاڭىندا تۇسىرگەن. ورتالىق الاڭدا كولىكتەرگە جۇرۋگە شەكتەۋ قويىلعان.

اۆتور

سامال قابىشيەۆا