اۋىل پارتياسى ماجىلىستەگى دەپۋتاتتار ءتىزىمىن جاريالادى

استانا. قازاقپارات - «اۋىل» حالىقتىق-دەموكراتيالىق پاتريوتتىق پارتياسى ماجىلىستەگى دەپۋتاتتارىنىڭ ءتىزىمىن جاريالادى، دەپ حابارلايدى قازاقپارات ءتىلشىسى.

«2023 -جىلعى 27-ناۋرىزدا «اۋىل» حالىقتىق- دەموكراتيالىق پاتريوتتىق پارتياسى ساياسي كەڭەسىنىڭ پرەزيديۋم وتىرىسى ءوتتى. پارتيانىڭ جارعىسىنا سايكەس جيىندا 2023 -جىلعى 19 نارۋىزدا وتكەن قازاقستان رەسپۋبليكاسى پارلامەنت ءماجىلىسى دەپۋتاتتارىنىڭ سايلاۋى ناتيجەسىندە العان 8 دەپۋتاتتىق ماندات يەلەرى انىقتالىپ، بەكىتىلدى»، - دەپ جازىلعان پارتيانىڭ باسپا ءسوز مالىمەتىندە.

سونىمەن «اۋىل» پارتياسىنىڭ اتىنان ماجىلىسكە ەنگەن دەپۋتتاردىڭ ءتىزىمى مىنانداي:

دايرابايەۆ جيگۋلي مولداقالىق ۇلى - پارتيا مۇشەسى، «اۋىل» ح د پ پ ءتوراعا ورىنباسارى، قازاقستان فەرمەرلەرى قاۋىمداستىعىنىڭ باسقارما ءتوراعاسى؛

ەگىزبايەۆ سەرىك راحمەتوللا ۇلى - پارتيا مۇشەسى، اۋىل شارۋاشىلىعى، اقپارات جانە قوعامدىق دامۋ ەكس ۆيتسە-ءمينيسترى؛

ابدەن قاراقات جاقسىلىق قىزى - پارتيا مۇشەسى، «قازاق قىزى» ق ب پرەزيدەنتى (ايەلدەر كۆوتاسىنا سايكەس)؛

باققوجايەۆ اناس احات ۇلى - پارتيا مۇشەسى، «اۋىل» ح د پ پ ءتوراعا ورىنباسارى؛

ساۋرىقوۆ ەربولات بايۇزاق ۇلى - پارتيا مۇشەسى، «اۋىل» ح د پ پ جامبىل وبلىسىنداعى وڭىرلىك فيليالىنىڭ ءتوراعاسى، ش. مۇرتازا ات. تاراز حالىقارالىق يننوۆاتسيا ينستيتۋتىنىڭ پرەزيدەنتى؛

ارسيۋتين نيكولاي گەنناديەۆيچ - پارتيا مۇشەسى، «اۋىل» ح د پ پ ءتوراعاسىنىڭ ورىنباسارى؛

زەينۋللين ايان تالعات ۇلى - پارتيا مۇشەسى، «س پ ك استانا» و ك ءوندىرىس بويىنشا ديرەكتورى (جاستار كۆوتاسىنا سايكەس)؛

سەرىكوۆ تاڭساۋلە عابدىماناپ ۇلى - پارتيا مۇشەسى، س. سەيفۋللين ات. قازاتۋ وقىتۋشىسى (ينكليۋزيۆتى قوعام مۇشەلەرىنىڭ كۆوتاسىنا سايكەس).

ەسكە سالساق، ورتالىق سايلاۋ كوميسسياسى جاريالاعان تۇپكىلىكتى قورىتىندى بويىنشا، «اۋىل» پارتياسىنا ءماجىلىس مىنبەرىنەن 8 ماندات بەرىلگەن بولاتىن.