قىتايدان زات تاسۋدا التىنكول ستانسياسىنا ەرەكشە كوڭىل بولىنەدى

None
استانا. قازاقپارات- قىتايدان تاسىمالداناتىن جۇكتى ورتالىق ازيا ەلدەرىنە جەتكىزۋ ىسىندە التىنكول ستانسياسىنا ايرىقشا باسىمدىق بەرىلەدى. بۇل تۋرالى قىتاي تاراپى ۆارشاۆادا وتكەن تەمىرجولداردىڭ ىنتىماقتاستىعى ۇيىمىنىڭ جيىنىندا مالىمدەدى.

ويتكەنى ستانسيادا جۇكتى قابىلداپ، جونەلتۋگە ارنالعان زامان تالابىنا ساي ينفراقۇرىلىم قالىپتاسقان. وزىق تەحنيكامەن جابدىقتالعان كوپفۋنكتسيونالدى تەرمينالدار مەن قۇرعاق پورت جۇمىس ىستەپ تۇر. سونداي- اق جينحە- الاشانكوۋ بولىگىندە ەكىنشى تەمىرجول جەلىسى سالىنىپ جاتىر. مۇنداي جەلى قۇرىلىسى قازاقستان اۋماعىندا دا قارقىن العان. سوندىقتان 1- ساۋىردەن باستاپ قىتايدان ورتالىق ازيا ەلدەرىنە، ورتالىق ازيادان قىتاي حالىق رەسپۋبليكاسىنا دوستىق- الاشانكوۋ باعىتىمەن جۇك تاسىمالداۋ ۋاقىتشا توقتاتىلادى. سايكەسىنشە جۇكتىڭ ەڭ نەگىزگى اعىنى التىنكول- قورعاس پۋنكتىنە جىبەرىلەدى. مامانداردىڭ ايتۋىنشا، بۇل قادام جولدى 500 شاقىرىمعا قىسقارتىپ، تاۋار باعاسىن 10-15 پايىزعا تومەندەتۋگە مۇمكىندىك بەرەدى.

https://24.kz

سوڭعى جاڭالىقتار