الاياقتار ماشيناسى كەپىلدە تۇرعان ازاماتتاردى الداپ ءجۇر
كەمەل جانە ۆەنەرا ەسىمدى ەرلى-زايىپتى كەپىلدە تۇرعان ماشيناسىن ساتقالى جۇرگەن تۇرعىنداردى ىزدەپ تاۋىپ، بانكتەگى قارىزىن تولەيتىنىن ايتىپ، كولىكتى باس سەنىمحات ارقىلى الادى. الايدا بىرنەشە اي تولەم جاساعاننان كەيىن حابارسىز كەتەدى.
ساتۋشىنىڭ سەنىمىنە كىرگەن سوڭ ەرلى-زايىپتى الاياق ماشينانى باسقا ادامعا ساتىپ جىبەرەتىنى بەلگىلى بولدى. ولار ساتىپ الۋشىعا كولىك بانكتە كەپىلدە تۇرعانىن، اقشانى العان سوڭ ءۇش كۇن ىشىندە كەپىلدەن شىعارىپ، ءبارىن رەتتەپ بەرەتىنىن ايتادى. ءبىراق اقشا قولعا تيگەن بەتتە ءىزىن سۋىتادى دا، الداۋعا بولاتىن وزگە ادام ىزدەي باستايدى.
Ktk.kz حابارلاعانداي، ولار الماتى مەن استانادا كەم دەگەندە 30 ازاماتتى سان سوقتىرعان. كەيبىر جابىرلەنۋشى قىلمىستىق ءىس قوزعالعان سوڭ الاياقتار قورقىتىپ جۇرگەنىن ايتادى. پوليتسيا قوقان- لوققى كورگەن تۇرعىنداردىڭ ءبارىن جەكە قورعاۋعا الۋ مۇمكىن ەمەس ەكەنىن جەتكىزدى، ءبىراق كۇدىكتىلەردى تەزدەتىپ تابۋعا ۋادە بەرىپ وتىر.