قىتايدا بيلىك وكىلدەرى مىنگەن ليمۋزيندەر قوقىستا جاتىر - ۆيدەو

None
استانا. قازاقپارات - قىتايدا قوقىستا جاتقان Hongqi ليمۋزيندەرى تابىلدى، - دەپ حابارلايدى Kolesa.kz سايتى.

الەۋمەتتىك جەلىدە قاراۋسىز قالىپ، ءشىرىپ جاتقان بىرنەشە Hongqi تۇسكەن ۆيدەو جاريالاندى. «كيتايسكيە اۆتوموبيلي» باسىلىمى بۇل 2010 -جىلدارى بيلىك وكىلدەرى مىنگەن L5 ليمۋزيندەرى ەكەنىن جازعان. سول كەزدە باعاسى 5-6 ميلليون يۋان (شامامەن 350-400 ميلليون تەڭگە) بولعان ەكەن.

ماركا L5 سەدانىنىڭ العاشقى بۋىنىن 2013 -جىلى تانىستىردى. ۇزىندىعى - 5.5 مەتر، دوڭگەلەك بازاسى 3.4 مەتر اۆتوموبيل 408 ات كۇشىنە يە 6 ليترلىك 12 سيليندرلى موتورمەن ءجۇردى. كەيبىر مالىمەت بويىنشا كومپانيا 500 ماشينا شىعارىپ، ەركىن ساۋدالاعان.

ۆيدەو اۆتورى روليكتى Hongqi زاۋىتىنىڭ ماڭىندا تۇسىرگەنىن جازىپتى، قوقىستا جاتقان سەريا الدى پروتوتيپتەر ەكەن. ولاردى كومپانيا اسا ءساندى مودەلىن تەستىلەۋ ءۇشىن قولدانىپ، سىناق مەرزىمى اياقتالعان سوڭ قاراۋسىز قالدىرعان. بلوگەردىڭ سوزىنە كەيبىر كولىكتىڭ كامۋفلياجبەن قاپتاۋلى تۇرعانى دالەل بولا الادى.

باسىلىم مالىمەتىنشە، كولىكتەردىڭ مۇندا ون جىلدان اسا ۋاقىتتان بەرى تۇرعان بولۋى مۇمكىن. سول ارالىقتا ليمۋزيندەر اينەگى مەن وپتيكاسىنان ايىرىلىپ، دوڭگەلەگىنىڭ جەلى شىققان، سالونى دا ءبۇلىنىپتى، شاناعىن توت باسقان.

سوڭعى جاڭالىقتار