قازاقستاندىق فۋتبولشىلار سىياقى الاتىن بولدى

None
استانا. قازاقپارات - قازاقستاندىق فۋتبولشىلار ەۋروپا-2024 چەمپيوناتىنىڭ ىرىكتەۋىندە دانيانى جەڭگەنى ءۇشىن قارجىلاي سىياقى الادى، دەپ حابارلايدى قازاقپارات حابار24.kz سايتىنا سىلتەمە جاساپ.

بۇل حاباردى قۇرامانىڭ باس باپكەرى ماگومەد اديەۆ جەتكىزگەن.

ونىڭ ايتۋىنشا، قازاقستاندىق فۋتبولشىلار ءۇشىن جانكۇيەرلەرى مەن حالىقارالىق ساراپشىلاردىڭ بەرگەن باعاسى ماڭىزدى.

«قارجىلاي سىياقىعا كەلەتىن بولساق، بىزگە بەلگىلەنگەن سىياقى مولشەرى بار. الايدا فۋتبولشىلار ءۇشىن بۇل جەڭىستىڭ ءوزى - قانداي دا ءبىر اقشادان قىمبات. سەبەبى ءبىزدىڭ كوماندا ءۇشىن الدىمەن حالىقارالىق ساراپشىلاردىڭ، اسىرەسە جانكۇيەرلەرىمىزدىڭ قولداۋى مەن بەرگەن باعاسى ماڭىزدى»، - دەدى فۋتبولدان قازاقستان قۇراماسىنىڭ باس باپكەرى ماگومەد اديەۆ.

سوڭعى جاڭالىقتار