رەسپۋبليكا پارتياسىنان ءماجىلىس مانداتىن يەلەنگەندەر ءمالىم بولدى

استانا. قازاقپارات - Respublica ءتوراعاسى ايداربەك قوجانازاروۆ ءماجىلىس دەپۋتاتى مانداتىن يەلەنگەن پارتيالاستارىنىڭ ءتىزىمىن ۇسىندى، دەپ حابارلايدى قازاقپارات.

«و س ك پارلامەنت ءماجىلىسىنىڭ دەپۋتاتتارىن سايلاۋدىڭ قورىتىندىسىن جاريالادى. Respublica پارتياسى 547 154 داۋىس جيناپ، %8,59 كورسەتكىشپەن پارلامەنتتىڭ تومەنگى پالاتاسىنا 6 ماندات الىپ، ءۇشىنشى ورىنعا يە بولدى. ماجىلىستە ءبىزدىڭ پارتيامىزدىڭ اتىنان شىعاتىن دەپۋتاتتار - مەن، پارتيا ءتوراعاسى ايداربەك قوجانازاروۆ، پارتيانىڭ تەڭ ءتوراعالارى - دينارا شۇكىجانوۆا مەن رۋسلان بەردەنوۆ، سونداي-اق دينارا ناۋموۆا، نۇرگۇل تاۋ جانە ولجاس قۇسپەكوۆ»، - دەپ جازدى پارتيا ليدەرى الەۋمەتتىك جەلىدەگى پاراقشاسىنا.