جۋرناليست ميحايل كوزاچكوۆقا قاتىستى سوت ۇكىمى شىقتى
سوت شەشىمىمەن كوزاچكوۆ 3,5 جىلعا شارتتى تۇردە باس بوستاندىعىنان ايىرىلدى.
«شىنىندا دا، الماتى گارنيزونى اسكەري سوتىنىڭ ۇكىمىمەن ميحايل كوزاچكوۆ قىلمىستىق كودەكستىڭ 147- جانە 274-باپتارى بويىنشا كىنالى دەپ تانىلىپ، شارتتى تۇردە سوتتالدى.
ءبىراق مەن قارجى مونيتورينگى اگەنتتىگىنىڭ تەرگەۋ توبى كوزاچكوۆتىڭ ەلدوس قوسپايەۆتىڭ ۇيىمداسقان قىلمىستىق توبىنىڭ قىزمەتىنە ەشقانداي قاتىسى جوق ەكەنىن انىقتاعانىن اتاپ وتكىم كەلەدى. رەيدەرلىككە قاتىستى ايىپتار الىنىپ تاستالدى. ميحايلعا قاتىستى قىلمىستىق كودەكستىڭ 249- جانە 262-باپتارى بويىنشا قىلمىستىق ءىس توقتاتىلدى»، - دەدى ادۆوكات.
ەسكە سالايىق، جۋرناليست ميحايل كوزاچكوۆ 2022-جىلعى 18- جەلتوقساندا ۇستالعان ەدى. ول قوسپايەۆتىڭ ۇيىمداسقان قىلمىستىق توبىنا رەيدەرلىك باسىپ الۋلار جاساۋعا كومەكتەسكەن دەگەن كۇدىككە ىلىنگەن.
بۇل ىسكە قاتىستى توقايەۆتىڭ باسپا ءسوز حاتشىسى رۋسلان جەلدىباي دا پىكىر بىلدىرگەن. ول بۇل ءىس قازاقستان رەسپۋبليكاسىنىڭ زاڭناماسىنا سايكەس تەك قۇقىق شەڭبەرىندە قارالۋعا ءتيىس ەكەنىن ايتتى.