حالىق پارتياسىنان ءماجىلىس مانداتىن كىمدەر يەلەندى
باس قوسۋ بارىسىندا پارتيالىق ءتىزىم بويىنشا VIII شاقىرىلىمداعى پارلامەنت ءماجىلىسىنىڭ دەپۋتاتتىعىنا سايلانعان كانديداتتارعا دەپۋتاتتىق ماندات ءبولىندى.
«كانديداتۋرالار القا تالداۋىنا ءتۇسىپ، ۇزاق تالقىلاندى»، - دەدى ق ح پ ءتوراعاسى.
ساياسي بيۋرو مۇشەلەرى دەپۋتاتتىق توپ قۇرامىن جاساقتاۋعا قاتىستى شەشىم قابىلداعان كەزدە ايەلدەر مەن جاستارعا جانە مۇمكىندىگى شەكتەۋلى جاندارعا بولىنگەن مىندەتتى كۆوتانى ەرەكشە نازاردا ۇستادى.
ناتيجەسىندە ءماجىلىس سايلاۋىنا پارتيالىق تىزىممەن ۇسىنىلعان تاجىريبەلى ساياساتكەرلەر ماگەررام ماگەرراموۆ پەن يرينا سميرنوۆا، كوپبالالى انالار بىرلەستىگىنىڭ جەتەكشىسى گاۋحار تاناشيەۆا، پاراوليمپيادا ويىندارىنىڭ قاتىسۋشىسى، مۇگەدەك ادامداردىڭ قۇقىعىن قورعاۋشى كەنجەعۇل سەيتجان جانە جاستار كۆوتاسى بويىنشا يسلام سۇڭقار سىندى كانديداتتار مانداتقا يە بولدى.
ايتا كەتەيىك، ورتالىق سايلاۋ كوميسسياسى جاريالاعان سايلاۋ قورىتىندىسىنا سايكەس، قازاقستان حالىق پارتياسى 5 پايىزدىق مەجەنى ەڭسەرىپ، پارلامەنت ماجىلىسىنە ءوتتى. سايلاۋشىلاردىڭ داۋىسى حالىق پارتياسىن 5 پارلامەنتتىك مانداتپەن قامتاماسىز ەتتى.