سايلاۋدان سوڭ بيۋللەتەندەر ساقتالا ما، جويىلا ما

استانا. قازاقپارات - سايلاۋدان كەيىن بيۋللەتەندەر ساقتالا ما، الدە جويىلا ما؟ بۇل سۇراققا باق وكىلدەرىنىڭ قاتىسۋىمەن وتكەن باسپا ءسوز ماسليحاتىندا ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ جاۋاپ بەردى، دەپ حابارلايدى قازاقپارات ءتىلشىسى.

«ءبىز زاڭ شىعارۋشى ورگان ەمەسپىز. ۇسىنىس تا ەنگىزبەيمىز. وسىنى انىقتاپ العان ءجون بولار. ءبىز بەكىتىلگەن زاڭ مەن ەرەجەلەر اياسىندا جۇمىس ىستەيمىز. دەگەنمەن سايلاۋ جۇيەسىنە قاتىستى تالقىلاۋلارعا قاتىسىپ، پىكىر بىلدىرۋگە قارسى ەمەسپىز. بيۋللەتەندەردىڭ قايدا ساقتالاتىنى تۋرالى دا نورما بار. توننا-توننا بيۋللەتەندەر جويىلادى. ال بارلىق حاتتامالار ارحيۆكە رەسمي تۇردە تاپسىرىلادى جانە سوندا ساقتالادى»، - دەپ ءتۇسىندىردى نۇرلان ءابدىروۆ.

و س ك دەرەگىنشە، زاڭ تالابىنا ساي، سايلاۋ بيۋللەتەندەرى 1 اي ساقتالادى، كەيىن ول جويىلادى. تەك حاتتامالار عانا ساقتالادى.

قوسا كەتسەك، ب ا ق وكىلدەرىنىڭ قاتىسۋىمەن وتكەن باسپا ءسوز ماسليحاتىندا نۇرلان ءابدىروۆ «بارىنە قارسىمىن» باعانى بيۋللەتەنگە نەلىكتەن ەنگىزىلگەنىن ءتۇسىندىرىپ ەدى.