الماتىدا تاعى قاي تۇرعىن ءۇي كەشەندەرىنەن پاتەر ساتىپ الماۋ كەرەك

الماتى. قازاقپارات- الماتى اكىمدىگى جىلجىمايتىن مۇلىك ساتىپ الماس بۇرىن قۇرىلىس كومپانياسىنىڭ قۇجاتتارىن مۇقيات تەكسەرۋدى ۇسىنادى، دەپ حابارلايدى قازاقپارات ءتىلشىسى.

جەلىلەردە قۇرىلىسقا قاجەتتى رۇقساتى جوق تۇرعىن ءۇي كەشەندەرىندەگى پاتەرلەردى ساتۋ تۋرالى حابارلاندىرۋلار تاراپ جاتىر.

الماتى قالاسىنىڭ اكىمدىگى تولىق قۇجاتتامانىڭ بولماۋىنا بايلانىستى جىلجىمايتىن مۇلىكتى ساتىپ الۋعا بولمايتىن تاعى ەكى تۇرعىن ءۇي كەشەنىن اتادى:

- «Auezov Apartaments» ت ك - المالى اۋدانى، قاراساي باتىر كوشەسى، 183/19. تاپسىرىس بەرۋشى «Garant LTD Service» ج ش س.

2021 -جىلعى 30-ساۋىردە تاپسىرىس بەرۋشى تاراپىنان «Garant LTD Service» جشس جوعارىدا كورسەتىلگەن مەكەنجاي بويىنشا قولدانىستاعى عيماراتتاردى قايتا جاڭارتۋعا جانە قولدانىستاعى قۇرىلىستاردى بۇزا وتىرىپ، قىزمەت كورسەتۋ وبەكتىلەرى بار اكىمشىلىك عيماراتتىڭ قوسىمشا قۇرىلىسىن سالۋعا حابارلاما بەردى.

الايدا، جىلجىمايتىن مۇلىكتى ساتۋ سايتتارىندا كورسەتىلگەن مەكەنجاي بويىنشا پاتەرلەردىڭ جارناماسى ورنالاستىرىلعان، بۇل قولدا بار قۇجاتتارعا سايكەس كەلمەيدى.

- «Tole bi Residencە» ت ك - المالى اۋدانى، انوسوۆ كوشەسى، 103 «ب» . تاپسىرىس بەرۋشى «Adal سىty Stroy» ج ش س.

حابارلاماداعى اقپاراتقا سايكەس، 1-بلوك قۇرىلىسىنىڭ 1-كەزەگى 2023 -جىلدىڭ 4-توقسانىندا پايدالانۋعا بەرىلەدى.

الايدا، بۇگىنگى كۇنى جوعارىدا اتالعان وبەكت بويىنشا قۇرىلىس- مونتاج جۇمىستارىن جۇرگىزۋدىڭ باستالعانى تۋرالى حابارلاما تۇسكەن جوق جانە قۇرىلىس- مونتاج جۇمىستارى جۇرگىزىلمەگەن.

«الماتىلىقتارعا جىلجىمايتىن مۇلىكتى ساتىپ الماس بۇرىن سالىنىپ جاتقان تۇرعىن ءۇي كەشەنى قۇجاتتارىنىڭ بار- جوعىن تەكسەرۋ قاجەت ەكەنىن ەسكە سالامىز، مۇنى الماتى قالاسى قالا قۇرىلىسىن باقىلاۋ باسقارماسىنىڭ 77272298136 جەدەل جەلىسىنىڭ ءنومىرى بويىنشا جاساۋعا بولادى»، - دەلىنگەن اكىمدىك تاراتقان اقپاراتتا.

بۇعان دەيىن الماتى اكىمدىگى زاڭسىز سالىنىپ جاتقان 9 تۇرعىن ءۇي كەشەنىنىڭ ءتىزىمىن جاريالاعان بولاتىن.