تۇمان، جەل، قار: سينوپتيكتەر الداعى ءۇش كۇننىڭ اۋا رايى بولجامىن جاريالادى

استانا. قازاقپارات - سينوپتيكتەر بولجامىنا سايكەس، قازاقستان اۋماعىنىڭ باتىس بولىگى تومەن قىسىمنىڭ ىقپالىندا بولىپ، كۇن قۇبىلمالى بولادى.

بۇل تۋرالى قازاقپارات «قازگيدرومەت» ر م ك- عا سىلتەمە جاساپ حابارلايدى.

«سونىمەن قاتار، فرونتالدى بولىكتەردىڭ وتۋىمەن 29- ناۋرىزدا سولتۇستىكتە، كۇندىز ورتالىقتا، 29-30- ناۋرىزدا شىعىستا جاۋىن-شاشىن (جاڭبىر، قار)، 30- ناۋرىزدا كۇندىز قالىڭ قار جاۋىپ، جاياۋ بۇرقاسىن بولادى، 29-30- ناۋرىز كۇندەرى ەلىمىزدىڭ وڭتۇستىگىندە، وڭتۇستىك-شىعىسىندا نايزاعاي جارقىلداپ، جاۋىن جاۋادى. رەسپۋبليكا بويىنشا تۇمان بولىپ، جەل كۇشەيەدى، وڭتۇستىك-باتىستا شاڭدى داۋىل، سولتۇستىك پەن شىعىستا - كوكتايعاق كۇتىلەدى. 30- ناۋرىزدا ەلىمىزدىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى كۇندىز 5 گرادۋس ايازعا دەيىن تومەندەيدى دەپ كۇتىلۋدە»، - دەلىنگەن حابارلامادا.