تابىسى تومەن وتباسىلارعا يپوتەكانى قالاي راسىمدەۋگە بولادى

الماتى. قازاقپارات - الماتىلىقتار تابىسى تومەن وتباسىلارعا ارنالعان نەسيەلەندىرۋدىڭ «باقىتتى وتباسى» جانە «شاڭىراق» مەملەكەتتىك تۇرعىن ءۇي باعدارلاماسىنا قاتىسا الادى.

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا الماتى قالاسى «وتباسى بانك» ا ق ديرەكتورى داناگۇل ءتۇسىپوۆا ايتتى، دەپ حابارلايدى قازاقپارات ءتىلشىسى.

«ەگەر تابىسى تومەن وتباسى جەرگىلىكتى اتقارۋشى ورگاندار تاراپىنان باسپانا كەزەگىندە تۇرسا، «باقىتتى وتباسى» جانە «شاڭىراق» باعدارلامالارىنا قاتىسا الادى. بۇل باعدارلامالار بويىنشا تولەم قابىلەتتىلىگىنەن ءوتۋدىڭ جەكە شارتتارى بار، مۇندا ءاربىر وتباسى مۇشەسىنىڭ شىعىندارى ازىراق سومادا ەسەپتەلەدى، سونداي-اق بۇل باعدارلامالار بويىنشا باستاپقى جارنا جەڭىلدەتىلگەن جانە ايتارلىقتاي تومەندەتىلگەن»، - دەدى داناگۇل ءتۇسىپوۆا.

ايتۋىنشا، «باقىتتى وتباسى» مەملەكەتتىك باعدارلاماسى اياسىندا بيىل الماتىدا 905 پاتەر ساتىلادى.

«قاتىسۋشىلار ءتىزىمى otbasybank.kz پلاتفورماسىندا 2022-جىلدىڭ 20- ماۋسىمى مەن 19- شىلدەسى ارالىعىندا وتكىزىلگەن كونكۋرس ناتيجەلەرى بويىنشا قالىپتاستىرىلدى. وعان كوپبالالى، تولىق ەمەس سونداي-اق مۇمكىندىگى شەكتەۋلى بالا تاربيەلەپ وتىرعان وتباسى كىردى. ولارعا ارنالعان باسپانانى قالالىق اكىمدىك «جاس قانات» شاعىن اۋدانىنان سالىپ بەردى. قازىر نەسيە الۋ پروتسەسى ءجۇرىپ جاتىر. ولارعا جىلىنا %2 مولشەرلەمەمەن (ج ت سم %2,1 دان باستاپ) بەرىلەدى. مەملەكەتتىك باعدارلامانىڭ شارتتارى بويىنشا باستاپقى تولەم نەسيە سوماسىنىڭ كەمىندە 10 پايىزىن قۇرايدى»، - دەدى ول.

سونىمەن بىرگە، سپيكەر «وتباسى بانك» ارقىلى جاستار ءۇشىن قانداي ءتيىمدى مەملەكەتتىك باعدارلامالار قولجەتىمدى ەكەنىن ايتتى.

«2017-جىلدان باستاپ قالامىزدا «الماتى جاستارى» جەڭىلدەتىلگەن باعدارلاماسى جۇزەگە اسىرىلۋدا. ول بارلىق وڭىرلەردە ايماقتىق باعدارلامالاردىڭ ىسكە قوسىلۋىنا نەگىز بولدى. «ەلوردا جاستارى»، «الاتاۋ جاستارى» باعدارلامالارى بار. مۇندا ءار ايماقتا نەسيە بەرۋ شارتتارى ءارتۇرلى. ماسەلەن، «الماتى جاستارى» باعدارلاماسى بويىنشا ءبىلىم، دەنساۋلىق ساقتاۋ، مادەنيەت، ب ا ق، سپورت، عىلىمي-زەرتتەۋ ينستيتۋتتارى، قۇقىق قورعاۋ ورگاندارى سياقتى جەتى سالادا ەڭبەك ەتىپ جۇرگەن 35 جاسقا دەيىنگى جاستارعا نەسيە بەرىلەدى. بيىلعى جىلعا وزگەرىستەر جوسپارلانىپ وتىر، ەندى اكىمدىكتىڭ ماقۇلداۋىن كۇتىپ وتىرمىز. باعدارلامانىڭ باستالعانىن كەيىن حابارلايمىز. ءبىز 1100 ازاماتقا نەسيە بەرۋدى جوسپارلاپ وتىرمىز، بۇل باعدارلاما بويىنشا باستاپقى جارنا %10. پايىزدىق مولشەرلەمە - %5» ، - دەپ ءتۇسىندىردى و ك ق سپيكەرى.