قوسالقى بولشەك رەتىندە اكەلىنگەن اۆتوكولىكتى زاڭداستىرۋ شارتتارىن ايقىندايتىن قاۋلى ازىرلەندى

None
استانا. قازاقپارات - شەتەلدەن قوسالقى بولشەك رەتىندە اكەلىنگەن اۆتوكولىكتى زاڭداستىرۋ شارتتارىن ايقىندايتىن ۇكىمەت قاۋلىسىنىڭ جوباسى ازىرلەندى.

بۇل تۋرالى ق ر ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ىشكى ىستەر مينيسترلىگى قوسالقى بولشەكتەر رەتىندە اكەلىنگەن اۆتوكولىكتەردى زاڭداستىرۋ شارتتارىن ايقىندايتىن ۇكىمەت قاۋلىسىنىڭ جوباسىن ازىرلەدى»، - دەدى قايسار سۇلتانبايەۆ ءى ءى م باسپا ءسوز قىزمەتى الاڭىندا وتكەن بريفينگتە.

ونىڭ اتاپ وتۋىنشە، اتالعان جوبا جاريا تالقىلاۋدان ءوتتى.

«ءبىز ولاردى قورىتىندىلاپ بولعاننان كەيىن مەملەكەتتىك ورگاندارعا تۇپكىلىكتى كەلىسۋگە جىبەرەمىز. ودان كەيىن ۇكىمەتكە ەنگىزەمىز. زاڭداستىرۋ جۇمىستارى جالعاسۋدا»، - دەدى كوميتەت ءتوراعاسى.

ەستەرىڭىزگە سالا كەتسەك، بۇعان دەيىن ەلىمىزگە شەتەلدەن اكەلىنگەن 69 مىڭنان استام كولىكتىڭ زاڭداستىرىلعانىن جازعان ەدىك.

سوڭعى جاڭالىقتار