قاسىم- جومارت توقايەۆ ارالاس جەكپە- جەك شەبەرى شاۆكات راحمونوۆتى قابىلدادى
پرەزيدەنت داڭقتى سپورتشىنى تاياۋدا لاس- ۆەگاس قالاسىندا وتكەن UFC تۋرنيرىندە جەڭىسكە جەتۋىمەن قۇتتىقتادى.
قاسىم- جومارت توقايەۆ شاۆكات راحمونوۆ سەكىلدى مىقتى اتلەتتەردىڭ جەڭىسكە دەگەن ەرىك- جىگەرى مەن جەتىستىگى وسكەلەڭ ۇرپاقتى جىگەرلەندىرەتىنىن، سالاۋاتتى ءومىر سالتىن ۇستانۋعا ىنتالاندىراتىنىن ايتتى.
سونىمەن قاتار پرەزيدەنت سپورتشىنىڭ الداعى ۋاقىتتا بيىك بەلەستەردى باعىندىرا بەرۋىنە تىلەكتەستىك ءبىلدىردى.
ءوز كەزەگىندە شاۆكات راحمونوۆ ارنايى قابىلداعانى ءۇشىن قاسىم- جومارت توقايەۆقا العىس ايتتى. سونداي- اق ول جانكۇيەرلەردىڭ ءۇمىتىن اقتاپ، ەلىمىزدىڭ مەرەيىن اسقاقتاتا بەرەتىنىن جەتكىزدى.
ايتا كەتەيىك، وسىعان دەيىن پرەزيدەنت قاسىم- جومارت توقايەۆ شاۆكات راحمونوۆتى قابىلدايتىنىن ايتقان ەدى.
«تاياۋ ارادا سەنى قابىلدايمىن. جارايسىڭ! سەنى ماقتان تۇتامىز!» - دەدى ق. توقايەۆ سپورتشىعا.