دونالد ترامپ: ا ق ش تاريحىنداعى ەڭ كىناسىز ادام بولارمىن
تەحاستا وتكەن ميتينگىدە سويلەگەن سوزىندە دونالد ترامپ ءوزىنىڭ «ەل تاريحىنداعى ەڭ كىناسىز ادام بولۋى مۇمكىن» ەكەنىن ايتتى. ول ميلليونداعان قۇجاتتار تەكسەرىلىپ، قورىتىندىسىندا وزىنە تاعىلعان زاڭ بۇزۋشىلىقتارعا دالەل تابىلماعانىن العا تارتتى.
«سىزدەر اقتالاسىزدار جانە باستارىڭىزدى ماقتانىشپەن جوعارى ۇستايسىزدار، ال ءبىزدىڭ ادىلدىك جۇيەمىزدى ءبۇلدىرىپ جاتقان باسكەسەرلەر مەن قىلمىسكەرلەر جەڭىلەدى، بەدەلدەن جۇرداي بولىپ، تولىقتاي اشكەرەلەنەدى»، - دەدى ول.
ايتا كەتسەك، دونالد ترامپ «پورنواكتريسا ستورمي دەنيەلسكە تولەنگەن قاراجات تۋرالى اقپاراتتى جاسىرۋ ءۇشىن سايلاۋ ناۋقانى قارساڭىندا قارجىلىق قۇجاتتاردى قولدان جاسادى» دەپ ايىپتالادى.
بۇعان دەيىن ا ق ش- تىڭ ەكس- پرەزيدەنتى دونالد ترامپ 2024 -جىلى وتەتىن سايلاۋعا قاتىساتىنىن مالىمدەدى. ول پرەزيدەنت سايلاۋىنا تۇسۋگە رەسمي ءوتىنىشىن 2022 -جىلعى قاراشادا بەرگەن بولاتىن.
ەسكە سالساق، 2020 -جىلعى سايلاۋدا ترامپ قازىر پرەزيدەنت دجو بايدەننەن جەڭىلىپ قالعان ەدى.
ترامپتىڭ الداعى سايلاۋداعى العاشقى باسەكەلەسى دە بەلگىلى. وڭتۇستىك كارولينا شتاتىنىڭ بۇرىنعى رەسپۋبليكاشىل گۋبەرناتورى جانە ا ق ش- تىڭ ب ۇ ۇ جانىنداعى تۇراقتى وكىلى بولعان نيككي حەيلي 2024 -جىلعى پرەزيدەنتتىك سايلاۋعا تۇسۋگە دايىن ەكەنىن مالىمدەگەن بولاتىن.
اۆتور
گۇلنۇر عازيز قىزى