بوكستان ءا چ: قازاقستان مەدالدار كەستەسىندە نەشىنشى ورىن الدى

استانا. قازاقپارات - ءۇندىستاننىڭ نيۋ- دەلي قالاسىندا بوكستان ايەلدەر اراسىندا وتكەن الەم چەمپيوناتىندا قازاقستان قۇراماسىنىڭ مەدالدار كەستەسىندە نەشىنشى ورىن العانى انىقتالدى، دەپ حابارلايدى قازاقپارات ءتىلشىسى.

قازاقستاندىق قىزدار بىرىنشىلىكتە 2 كۇمىس، 4 قولا جۇلدەگە يە بولىپ، مەدالدار كەستەسىندە 8-ساتىدان كورىندى.

ءتورت التىنى بار ءۇندىستان كوش باستاسا، قىتاي (3 التىن، 1 كۇمىس، 3 قولا) ەكىنشى، رەسەي (1 التىن، 1 كۇمىس، 1 قولا) ءۇشىنشى ورىندا. 2023 -جىلعى الەم چەمپيوناتىنىڭ مەدالدار كەستەسى:

1. ءۇندىستان — 4-0-0

2. قىتاي — 3-1-3

3. رەسەي — 1-1-1

4. يتاليا — 1-1-0

5. ماروككو — 1-0-1

5. تايۆان — 1-0-1

5. برازيليا — 1-0-1

8. قازاقستان — 0-2-4

9. كولۋمبيا — 0-2-2

10. اۋستراليا — 0-2-1

11. مونعوليا — 0-1-1

11. تايلاند — 0-1-1

13. ۆەتنام — 0-1-0

14. فرانتسيا — 0-0-3

15. بەلارۋس — 0-0-1

15. وڭتۇستىك كورەيا — 0-0-1

15. ازەربايجان — 0-0-1.

سونىمەن قاتار قازاقستاندىق بوكسشىلاردىڭ قانشا تابىس تاپقانى بەلگىلى بولدى.

كۇمىس العان كارينا يبراگيموۆا (57 ك گ) مەن ءلاززات كۇنگەيبايەۆاعا (81 + ك گ) 50 مىڭ دوللاردان تيسە، قولا جۇلدەگەرلەر الۋا بالقىبەكوۆا (48 ك گ) ، نادەجدا ريابەتس (66 ك گ) ، ۆالەنتينا حالزوۆا (75 ك گ) جانە فاريزا شولتايعا (81 ك گ) 25 مىڭنان بۇيىردى. ءبارىن قوسقاندا، قازاقستاندىقتار حالىقارالىق بوكس قاۋىمداستىعىنان 200 مىڭ ا ق ش دوللارىن الادى.

الەم چەمپيوناتىنا قازاقستاننان بارلىعى 12 سپورتشى بارسا، نازىم قىزايباي (50 ك گ) ، جازيرا وراقبايەۆا (52 ك گ) ، جاينا شەكەربەكوۆا (54 ك گ) ، ريمما ۆولوسەنكو (60 ك گ) ، ايدا ابىكەيەۆا (63 ك گ) جانە ءمادينا نۇرشايەۆا (70 ك گ) جۇلدەسىز قالدى.

ەسكە سالا كەتەيىك، بۇدان بۇرىن كارينا يبراگيموۆانىڭ بوكستان الەم چەمپيوناتىنىڭ كۇمىس جۇلدەگەرى اتانعانىن جازعان بولاتىنبىز.

اۆتور

عايساعالي سەيتاق