ءبيبىسارا اساۋبايەۆا جانسايا ابدىمالىكتى سىنعا الدى
ب. اساۋبايەۆانىڭ Instagram الەۋمەتتىك جەلىسىندەگى پاراقشاسىندا جازعانىنداي، «شاحمات - بۇل، ارينە، جەكەلەي سپورت ءتۇرى. ءبىراق جەكە ءوزىڭ بولۋ مەن پىكىرلەس بولۋ - ءار باسقا نارسە».
«اركىم ءوزى ءۇشىن» دەگەن تۇسىنىكتى كەيبىرەۋلەر «بارىنە تۇكىرگەنىم قانداي» دەگەن ماعىنادا كورگىسى كەلەدى. ولاردان ءوز قاتەسىن ءتۇسىنىپ، سىپايىلىقپەن كەشىرىم سۇراۋدى ەشقاشان كۇتپەيسىڭ. ەگەر مۇنداي ادامدار اينالاسىنا وتىرىكتى جاۋدىرسا، سىپايىلىق تۋرالى اڭگىمە ايتۋ قيىن. ءسىرا، شىندىقتى بۇركەمەلەۋ - ءبىرىنشى كەزەكتە شاحماتشى ەكەندىگىن ۇمىتقان الماتى ءماسليحاتىنىڭ بۇرىنعى دەپۋتاتى جانسايا ابدىمالىكتىڭ كاسىبي قاسيەتى. الايدا كەز كەلگەن كاسىبي سپورتشى ءۇشىن كەشىرىلمەيتىن نارسەلەر بار. ول ءتىپتى كىم بولسا دا»، دەپ جازدى ب. اساۋبايەۆا.
ونىڭ سوزىنە قاراعاندا، جانسايامەن بىرگە ءوزىن قوسقاندا، تاعى ون ءبىر شاحماتشى دەليدە ماڭىزدى گران- پري تۋرنيرىنە كەلگەن. ءبىراق جانسايا ۇيىمداستىرۋشىلار دۇرىس قارسى المادى دەگەن جەلەۋمەن جارىستان اياقاستى كەتىپ قالۋدى ءجون كورگەن. مۇنى تۋرنيردىڭ اشىلۋىنا ءبىر ساعات قالعاندا، ارىپتەسىنە تەلەفون ارقىلى حابارلاپ، اۋەجايدا ەكەندىگىن، ۇشقالى وتىرعانىن جەتكىزگەن.
«ال ءوزى ءبىز شۇعىل جينالىس جاساپ، نە ىستەرىمىزدى بىلمەي جاتقان كەزدە وتەلدە قىدىرىپ جۇرگەن. جانسايا وزىنەن ءبىر ەلى قالماي، بىرگە جۇرگەن ەر اداممەن ۇشىپ كەلگەن. باسقالار جالعىز بولسا دا، وتەلگە ەشقانداي قينالىسسىز جەتكەن. كەيبىر شاحماتشىلار گران- پريگە قاتىسۋ ءۇشىن وزگە جارىستاردان باس تارتقان، ەندى ولار ىڭعايسىز جاعدايدا قالدى. وتىرىك ارالاسقان اسىعىس شەشىمنىڭ سالدارىنان تۋرنير بولماي قالۋى مۇمكىن. سوڭعى ساتتە ءوزى ويلاپ تاپقان سەبەپتەن ءبارىن تاس- تالقان قىلعىسى كەلگەن ءبىر ادامنىڭ كەسىرىنەن وسىلاي بولىپ وتىر. ارينە، جەرگىلىكتى ۇيىمداستىرۋشىلارعا قاتىستى سۇراق كوپ. ءبىراق كوپ ماسەلە جانساياعا، ونىڭ سپورتشىعا ءتان ەمەس ارەكەتىنە قاتىستى. اياق استىنان ەموتسياعا جول بەرگەندىگىنە، ارىپتەستەرىنە، تۇتاستاي العاندا، ومىرگە دەگەن كوزقاراسىنا، كاسىبيلىگىنە قاتىستى. سپورتشىلار كەز كەلگەن كۇتپەگەن جاعدايعا بەرىلە سالماي، بارىنە دايىن بولۋى ءتيىس. كەز كەلگەن ۇساق- تۇيەككە جانسايا سەكىلدى قاراساق، وندا سپورتپەن قوش ايتىسىپ، كۇيەۋگە شىعىپ، اس دايىنداۋ كەرەك...»، - دەپ تولىقتىردى ءبيبىسارا اساۋبايەۆا.
فوتو: sports.kz.
اۆتور
عايساعالي سەيتاق