قازاقستاندىق اۋە كومپانياسى رەسەي باعىتىنداعى رەيستى توقتاتتى

استانا. قازاقپارات - QAZAQ AIR اۋە كومپانياسى 26-29-ناۋرىز ارالىعىندا استانا - نوۆوسىبىر، وسكەمەن - نوۆوسىبىر باعىتتارىنداعى رەيستەرىن توقتاتتى. بۇل تۋرالى قازاقپارات اۋە كومپانياسىنا سىلتەمە جاساپ حابارلايدى.

«رەسەي فەدەراتسياسى اۆياتسيالىق باسشىلىعىنىڭ حالىقارالىق تۇراقتى ۇشۋداردى ورىنداۋعا رۇقسات بەرۋدەن باس تارتۋىنا بايلانىستى اتالعان باعىتتار بويىنشا رەيستەردىڭ ۋاقىتشا توقتاتىلدى. جولاۋشىلارعا بيلەتتەر قۇنىن تولىعىمەن قايتارۋ ۇسىنىلادى. اقشانى قايتارۋ بيلەتتەردى ساتىپ العان جەردە جۇزەگە اسىرىلادى. ەگەر بيلەت اۆياكومپانيادان ساتىپ الىنعان بولسا، قايتارۋ تۋرالى ءوتىنىشتى، برونداۋ نومەرى مەن كەرى بايلانىس مالىمەتتەرىن [email protected] پوشتاسىنا جولداۋ قاجەت»، - دەلىنگەن حابارلامادا.