سەمەيدە «كاماز» تىركەمەسى اجىراپ كەتىپ، جاياۋ جۇرگىنشىنى مەرت قىلدى

None
سەمەي. قازاقپارات - سەمەي قالاسىندا «كاماز» تىركەمەسى اجىراپ كەتىپ، ءبىر ادامدى مەرت قىلدى، دەپ حابارلايدى قازاقپارات ءتىلشىسى.

اباي وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وقيعا 24- ناۋرىزدا ساعات 16:30 شاماسىندا بولعان. سەمەي قالاسىنداعى وسكەمەن كوشەسىندە كەلە جاتقان «كاماز» جۇك كولىگىنىڭ تىركەمەسى كەنەتتەن اجىراپ كەتكەن.

سونىڭ سالدارىنان تىركەمە جول جيەگىندەگى 20 جاستاعى ەر ادامدى قاققان. قالا تۇرعىنى وقيعا ورنىندا ءتىل تارتپاي كەتتى.

«اتالعان فاكتى بويىنشا ق ر قىلمىستىق كودەكسىنىڭ 345-بابى 3-بولىگىنە (كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋىنىڭ ابايسىزدا ادام ولىمىنە اكەپ سوعۋى) سايكەس سوتقا دەيىنگى تەرگەۋ امالدارى باستالدى. ق پ ك 201-بابىنىڭ 1-بولىگىنە سايكەس سوتقا دەيىنگى تەرگەپ- تەكسەرۋدىڭ وزگە دەرەكتەرى جاريا ەتۋگە جاتپايدى»، - دەلىنگەن اقپاراتتا.

اۆتور

تالعاتجان مۇحامەتبەك ۇلى

سوڭعى جاڭالىقتار