قوشقار كوتەرۋدەن قازاقستان رەكوردى جاڭارتىلدى

الماتى. قازاقپارات - الماتى قالاسىندا ناۋرىز مەيرامىنا وراي ۇلتتىق سپورت تۇرلەرىنەن وتكەن جارىستا قورعانىس مينيسترلىگىنىڭ اسكەري قىزمەتشىسى باۋىرجان ءابدىقايىم قازاقستاننىڭ جاڭا رەكوردىن ورناتتى، دەپ حابارلايدى قازاقپارات.

مينيسترلىك مالىمەتىنشە، ەفرەيتور ب. ءابدىقايىم سالماعى 50 كەلى قوشقاردى ەكى ساعاتتا 2050 رەت كوتەرىپ، جاڭا رەكورد ورناتتى. وسىدان ءبىر جىل بۇرىن باۋىرجان قوشقاردى 1600 رەت كوتەرگەن بولاتىن. جالپى، بۇل ونىڭ وسىنداي جارىستاعى سەگىزىنشى جەڭىسى.

سپورتشى الماتىدا ۇيىمداستىرىلاتىن رەسپۋبليكالىق، قالالىق مارافوندار مەن ءىرى سپورتتىق ءىس- شارالارعا تۇراقتى قاتىسىپ كەلەدى. ال بيىل وتان قورعاۋشى كۇنىنە وراي الماتىدان تارازعا دەيىن جۇگىرىپ جەتۋدى جوسپارلاپ وتىر.

ەفرەيتور باۋىرجان ءابدىقايىم ورتالىق سپورت كلۋبىندا 2017 -جىلدىڭ مامىر ايىنان كومەندانتتىق ۆزۆودتىڭ اعا ساربازى لاۋازىمىندا قىزمەت اتقارىپ كەلەدى.