10:12, 25 - ناۋرىز 2023 | GMT +6
قازاقستاننىڭ ەكولوگيا ءمينيسترى ب ۇ ۇ باس حاتشىسىمەن كەزدەستى
نيۋ- يورك. قازاقپارات - قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى زۇلفيا سۇلەيمەنوۆا 24 -ناۋرىزدا ب ۇ ۇ- نىڭ نيۋ- يوركتەگى شتاب- پاتەرىندە ۇيىمنىڭ باس حاتشىسى انتونيۋ گۋتەرريشپەن كەزدەستى، دەپ حابارلايدى قازاقپارات.
مينيسترلىكتىڭ باسپا ءسوز قىزمەتىنەن ءمالىم ەتكەندەي، ز. سۇلەيمەنوۆا ب ۇ ۇ باس حاتشىسىن قازاقستاننىڭ سۋ رەسۋرستارىن ورنىقتى باسقارۋ سالاسىنداعى جوسپارلارى تۋرالى حاباردار ەتتى. باس حاتشى قازاقستاننىڭ كۇش- جىگەرىن جوعارى باعالاپ، ق ر- دىڭ ورنىقتى دامۋ ماقساتتارىنا قول جەتكىزۋ سالاسىنداعى بەلسەندى ۇستانىمىن اتاپ ءوتتى.
ايتا كەتەيىك، زۇلفيا سۇلەيمەنوۆا ب ۇ ۇ- نىڭ سۋ كونفەرەنتسياسىندا قازاقستاندىق دەلەگاتسيانى باسقارىپ وتىرعان بولاتىن.
سونداي- اق كەلىسسوز بارىسىندا قازاقستاننىڭ ورتالىق ازيا جانە اۋعانستان ەلدەرى ءۇشىن ورنىقتى دامۋ ماقساتتارى جونىندەگى ب ۇ ۇ وڭىرلىك حابىن قۇرۋ باستاماسى تالقىلاندى. يدەيا بويىنشا شتاب- پاتەر الماتى قالاسىندا ورنالاستىرىلماق.