ۆولەيبول: «التاي» كومانداسى قاتارىنان جەتىنشى رەت قازاقستان چەمپيونى اتاندى
وسىعان دەيىن التىن جۇلدەنى وسكەمەننىڭ «التايى» مەن تالدىقورعاننىڭ «جەتىسۋ» كومانداسى ساراپقا سالىپ جۇرسە، بۇل جولى جاعداي وزگەردى.
فينالدا يۋري پانچەنكو جاتتىقتىراتىن وسكەمەندىكتەر مەن سەربيالىق مامان داركو دوبرەسكوۆ باپتايتىن «قۋانىش» (س ق و) كومانداسى كەزدەستى.
بەيسەنبى كۇنى وتكەن العاشقى ماتچ اسا تارتىستى ءوربىدى. «التاي» مەن «قۋانىش» پارتيانى كەزەك-كەزەك الىپ وتىردى (25:23، 22:25، 26:24، 20:25). سوڭعى بەسىنشى سەتتە «قۋانىش» (كوماندا كاپيتانى تاتيانا الدوشينا) 14:10 بولعان مەزەتتە ءتورت ماتچبولدى پايدالانا المادى. ەسەسىنە جيناقى ويناعان، سانا انارقۇلوۆا باستاعان وسكەمەندىكتەر ولاردى قاپى قالدىرىپ كەتتى - 16:14.
بۇگىنگى ويىن دا بەس پارتياعا سوزىلىپ، شەشۋشى سەتتە «التاي» (25:18، 17:25، 23:25، 25:22، 15:11) باسىم ءتۇستى.
وسىلايشا، وسكەمەن كومانداسى قاتارىنان جەتى رەت التىن جۇلدەگە يە بولدى.
سەگىز دۇركىن ەل چەمپيونى اتانعان «جەتىسۋ» كومانداسى قولا جۇلدەنى قاناعات تۇتتى. ەلەنا پاۆلوۆا جاتتىقتىراتىن تالدىقورعاندىقتار ءۇشىنشى ورىن باسەكەدە «ەرتىس» (پاۆلودار) كومانداسىن 3:0، 3:1 ەسەبىمەن جەڭدى.
ەسكە سالا كەتەيىك، بۇدان بۇرىن ۆولەيبولدان «التايدىڭ» التى دۇركىن ەل چەمپيونى اتانعانىن جازعان بولاتىنبىز.
سونداي-اق «التاي» ۆولەيبول كلۋبى قاتارىنان التىنشى رەت ەل كۋبوگىن ۇتىپ الدى.