استانا قالاسى بويىنشا ماسليحات دەپۋتاتتارى سايلاۋىنىڭ قورىتىندىسى شىقتى

استانا. قازاقپارات - استانا قالاسى بويىنشا ماسليحات سايلاۋىنىڭ قورىتىندىسى جاريالاندى، دەپ حابارلايدى قازاقپارات ءتىلشىسى.

استانا قالالىق اۋماقتىق سايلاۋ كوميسسياسىنىڭ ءتوراعاسى باحىت بەكتەمىسوۆا ۇسىنعان دەرەككە ساي، ەلوردادا 788931 سايلاۋشى تىركەلگەن. دەگەنمەن ونىڭ ىشىندە 332694 ادام داۋىس بەرۋگە كەلگەن.

كوميسسيا قورىتىندىسىنا سايكەس، ماسليحات سايلاۋىنا قاتىسقان پارتيالار سايلاۋشىلار داۋسىن بىلاي بولىسكەن:

1. Amanat پارتياسى - 68,78 پايىز نەمەسە 227307 ادام داۋىس بەردى؛

2. «اۋىل» حالىقتىق-دەموكراتيالىق پارتياسى - 0,65 پايىز نەمەسە 2197 ادام داۋىس بەردى؛

3. Respublica پارتياسى - 1,63 پايىز نەمەسە 5401 ادام داۋىس بەردى؛

4. قازاقستان حالىق پارتياسى - 5,12 پايىز نەمەسە 18174 ادام داۋىس بەردى؛

5. «بايتاق» جاسىلدار پارتياسى - 5,49 پايىز نەمەسە 18154 ادام داۋىس بەردى؛

6. «اق جول» قازاقستان دەموكراتيالىق پارتياسى - 19,96 پايىز نەمەسە 56045 ادام داۋىس بەردى؛

ال 3269 ادام «بارىنە قارسىمىن» باعانىن تاڭداعان.

«5 جانە ودان دا كوپ پايىزىن العان ساياسي پارتيالار ءۇشىن مانداتتار بىلاي ءبولىندى: Amanat پارتياسى - 12 ماندات، قازاقستان حالىق پارتياسى - 1 ماندات، «بايتاق» جاسىلدار پارتياسى - 1 ماندات، «اق جول» قازاقستان دەموكراتيالىق پارتياسى - 3 ماندات»، - دەپ مالىمدەدى باحىت بەكتەمىسوۆا.