الماتى قالاسى ءماسليحاتى دەپۋتاتتارىن سايلاۋ قورىتىندىسى جاريالاندى

الماتى. قازاقپارات - الماتى قالاسىنىڭ اۋماقتىق سايلاۋ كوميسسياسى الماتى قالاسى ءماسليحاتى دەپۋتاتتارىن سايلاۋ قورىتىندىلارىن شىعاردى جانە داۋىس بەرۋ قورىتىندىلارى بويىنشا دەپۋتاتتىق مانداتتاردى تاراتتى، دەپ حابارلايدى قازاقپارات ءتىلشىسى.

الماتى قالاسى ءماسليحاتى سايلاۋىنىڭ قورىتىندىلارىنا سايكەس پارتيالىق تىزىمدەر بويىنشا داۋىستار مىناداي بولىپ ءبولىندى: سايلاۋشىلاردىڭ 51,94 پايىز «Amanat» پارتياسىنا داۋىس بەردى، «اۋىل» حالىقتىق-دەموكراتيالىق پاتريوتتىق پارتياسى 2,83 پايىز داۋىسقا يە بولدى. «Respublica» پارتياسى سايلاۋشىلاردىڭ 13,15 پايىز داۋىسىن الدى، «قازاقستان حالىق» پارتياسى 13,22 پايىز قازاقستاننىڭ «بايتاق» جاسىلدار پارتياسى 7,97 پايىز جانە «اق جول» پارتياسى 5,23 پايىز داۋىس الدى.

الماتى قالاسى اۋماقتىق سايلاۋ كوميسسياسىنىڭ ءتوراعاسى ايگۇل قالىقوۆانىڭ ايتۋىنشا، «Amanat» پارتياسيا 12 دەپۋتاتتىق ماندات الدى، «Respublica» مەن «قازاقستان حالىق» پارتياسى ءارقايسىسى 3 مانداتتان الدى. قازاقستاننىڭ «بايتاق» جاسىلدار پارتياسى 2 ماندات، ال «اق جول» پارتياسى 1 مانداتقا يە بولدى.