اقتوبەنىڭ تاعى ءبىر اۋدانىندا توتەنشە جاعداي جاريالاندى

اقتوبە. قازاقپارات - اقتوبە وبلىسى ويىل اۋدانىندا جەرگىلىكتى اۋقىمدا توتەنشە جاعداي جاريالاندى، دەپ حابارلايدى قازاقپارات ءتىلشىسى.

ويىل اۋدانى اكىمدىگىنىڭ سايتىندا 20-ناۋرىزدان باستاپ جەرگىلىكتى اۋقىمداعى توتەنشە جاعداي جاريالانعانى تۋرالى جازىلعان. تابيعي سيپاتتاعى توتەنشە جاعدايدى جويۋعا باعىتتالعان ءىس- شارالاردى اۋدان اكىمى اسقار قازىبايەۆتىڭ ءوزى باسقارادى. ال، وبلىس اكىمى باسپا ءسوز قىزمەتىنىڭ حابارلاۋىنشا، اۋداندا 11 ءۇيدى سۋ باسقان.

«سۋ تاسقىنىندا 11 ۇيگە سۋ كىردى. ونىڭ ۇشەۋى - بوس تۇرعان ءۇي. 2 ءۇيدىڭ دالىزىنە زاقىم كەلگەن. 12 اۋلا اۋماعىن (ساراي، قورا) سۋ شايدى. ادام ءولىمى، مال شىعىنى جوق»، - دەپ حابارلادى وبلىس اكىمى باسپا ءسوز قىزمەتى.

ەسكە سالساق، 17-ناۋرىز كۇنى ويىل اۋدانىندا 100 دەن استام ادام ەۆاكۋاتسيالاندى. ءدال سول كۇنى قالاتال اۋىلىندا بوگەت بۇزىلىپ، اۋىلعا سۋ كىردى. وقيعا ورنىنا وبلىس اكىمى ە. توعجانوۆ پەن وبلىستىق ت ج د باستىعى م. امانبايەۆ باردى. وڭىرگە توتەنشە جاعدايلار ءمينيسترى يۋري يلين كەلىپ، ويىل اۋدانىنداعى جاعداي كۇردەلى ەكەنىن حابارلادى. ەرىگەن قار سۋىن جەدەل وتكىزۋ ءۇشىن ينجەنەرلىك، قۇرىلىس توسقاۋىلدارىن بۇزۋعا شەشىم قابىلدانعان.

ايتا كەتەيىك، بۇعان دەيىن وبلىستاعى قوبدا اۋدانىندا جەرگىلىكتى دەڭگەيدەگى توتەنشە جاعداي جاريالاندى. مۇندا 70 تەن استام ۇيگە سۋ كىردى. قازىرگى كەزدە 24 ءۇيدىڭ قۇرىلىسى باستالدى. شىعىن ءالى ەسەپتەلىپ جاتىر.