قارجى پيراميداسىن قۇرعان كۇدىكتى ۇستالدى
بۇل كومپانيا استانا مەن اقمولا وبلىسىنىڭ اۋماعىندا 2020 -جىلدان باستاپ قازىرگى ۋاقىتقا دەيىن جۇمىس ىستەگەن، دەپ حابارلايدى قازاقپارات اتالعان ۆەدومستۆونىڭ باسپا ءسوز قىزمەتىنە سىلتەمە جاساپ.
كۇدىكتى جەكە تۇلعالاردان تارتىلعان قاراجاتتى كاسىپكەرلىك قىزمەتكە پايدالانباي، «Qnet» قارجى پيراميداسىنىڭ قىزمەتىن ۇيىمداستىردى. سحەما بويىنشا ەسكى سالىمشىلاردى جاڭا كەلگەندەردىڭ جارنالارى ەسەبىنەن قايتا ءبولۋ جانە بايىتۋ ارقىلى جۇزەگە اسىرىلدى.
«Qnet» حالىقارالىق كومپانياسىنىڭ قىزمەتى جەلىلىك ماركەتينگ جانە ەلەكتروندىق كوممەرتسيا قىزمەتى تۇرىندە جاسىرىلدى.
ءبىرقاتار شەت ەلدەردە «Qnet» كومپانياسى قارجى پيراميداسى دەپ تانىلدى، سونداي- اق ونى ق ر قارجى نارىعىن رەتتەۋ جانە دامىتۋ اگەنتتىگى قارجى پيراميداسىنىڭ بەلگىلەرى بار كومپانيالار تىزىمىنە ەنگىزدى.
وكىلەتتى ورگاننىڭ قورىتىندىسىنا سايكەس كومپانيا سالىمشىلارىنان تۇسكەن ءتۇسىم سوماسى 463 ميلليون تەڭگەنى قۇرادى.
استانا قالاسىنىڭ مامانداندىرىلعان تەرگەۋ سوتى كۇدىكتىگە 2 ايعا «قاماۋدا ۇستاۋ» شاراسىنا سانكسيا بەردى.
ق ر ق پ ك- ءنىڭ 201-بابىنا سايكەس وزگە دە اقپارات جاريا ەتۋگە جاتپايدى.