قازاقستان تەمىر جولى بۋحالتەرلەرى جالاقى ەسەپتەۋدە الاياقتىق جاسادى دەپ كۇتىكتەلۋدە

استانا. قازاقپارات - باس كولىك پروكۋراتۋراسى «قازاقستان تەمىر جولى - جۇك تاسىمالى» ج ش س الماتى بولىمشەسىندە اسا ءىرى مولشەردە اقشا قاراجاتىن ۇرلاۋدىڭ قىلمىستىق جولىن اشكەرەلەدى، دەپ حابارلايدى قازاقپارات.

«تەرگەۋ مالىمەتى بويىنشا، جالاقىنى ەسەپتەۋ ءۇشىن «SAP HRP»باعدارلاماسى مەن كاسىپورىننىڭ ينتەرنەت- بانكينگى اراسىنداعى ينتەگراتسيانىڭ بولماۋىنا بايلانىستى الاياقتىققا جول بەرىلگەن. ياعني بۋحالتەريا ءوز قالاۋىنشا قىزمەتكەرلەرگە جالاقى بويىنشا قاجەتتى تسيفرلاردى قويىپ وتىرۋعا مۇمكىندىك العان.

ءتورت جىل ىشىندە ارتىق تولەمدەر وزدەرىنىڭ سەنىمدى ادامدارىنىڭ كارتوچكالارىنا اۋدارىلىپ وتىرعان. ءوز كەزەگىندە ولار قولما- قول اقشاعا اينالدىرىپ، ۇيىمداستىرۋشىلارعا بەرىپ كەلگەن.

بۇگىنگى كۇنى ايىپتالۋشى ادام سوتقا تارتىلدى»، - دەلىنگەن باس كولىك پروكۋراتۋراسىنىڭ حابارلاماسىندا.

ءمالىم ەتىلگەندەي، بۇل اتالعان كاسىپورىندا انىقتالعان جالعىز الاياقتىق فاكتىسى ەمەس.

«اتالعان كاسىپورىندا 2023 -جىلدىڭ قاڭتارىندا وسىنداي قىلمىس ارقىلى 80 ميلليون تەڭگەدەن استام اقشا ۇرلاعان جەتەكشى بۋحگالتەر ج. قۇنداقبايەۆا سوتتالعان بولاتىن.

جىل سايىنعى اۋديتورلىق تەكسەرۋلەر بۇل كەمشىلىكتەردى انىقتاماعان. ولارعا قۇقىقتىق باعا بەرۋ ءۇشىن سوتقا دەيىنگى تەرگەۋ باستالدى»، - دەلىنگەن مالىمەتتە.

سونداي- اق «SAP HRP» بۋحالتەرلىك باعدارلاماسى «ق ت ج» ۇ ك ا ق- نىڭ كوپتەگەن وزگە دە كاسىپورنىندا قولدانىلاتىنى انىقتالعان.

«كولىك پروكۋراتۋراسى مۇنداي ۇرلىققا توسقاۋىل قويۋ ءۇشىن ۇلتتىق وپەراتوردىڭ اتىنا قولدانىستاعى ەڭبەكاقى تولەۋ جۇيەسىن قايتا قاراۋ، بۋحالتەريا قىزمەتكەرلەرىنىڭ نەگىزگى ءىس- ارەكەتتەرىن سيفرلاندىرۋ جانە وسى سالاداعى جۇمىستى تيىسىنشە ۇيىمداستىرماعانى ءۇشىن كىنالى لاۋازىمدى ادامداردى جاۋاپقا تارتۋ تۋرالى ۇسىنىس ەنگىزدى»، - دەلىنگەن باس كولىك پروكۋراتۋراسىنىڭ سايتىندا.