12:51, 24 - ناۋرىز 2023 | GMT +6
ەلورداداعى بەيسەكوۆا كوشەسى ەرتەڭنەن باستاپ جابىلادى
استانا. قازاقپارات - استانادا جول-كولىك ايىرىعىنىڭ قۇرىلىسىنا بايلانىستى شارا بەيسەكوۆا كوشەسى كولىك قوزعالىسى ءۇشىن تولىعىمەن جابىلادى، دەپ حابارلايدى قازاقپارات.
«ەلوردانىڭ كولىك جانە جول- كولىك ينفراقۇرىلىمىن دامىتۋ باسقارماسى ن. تىلەنديەۆ داڭعىلى مەن ش. بەيسەكوۆا كوشەسىنىڭ قيىلىسىندا ەكى دەڭگەيلى جول- كولىك ايىرىعىنىڭ قۇرىلىسىن جۇرگىزەتىن بولادى.
وسىعان بايلانىستى جول قوزعالىسى قاۋىپسىزدىگىن قامتاماسىز ەتۋ ءۇشىن 25-ناۋرىزدان باستاپ ن. تىلەنديەۆ داڭعىلىنىڭ قيىلىسىندا ش. بەيسەكوۆا كوشەسى (سەيفۋللين كوشەسى جاعىنان جانە «سالەم بازارى» جاعىنان) بويىمەن كولىك قوزعالىسى تولىعىمەن توقتاتىلادى»، - دەلىنگەن استانا اكىمدىگىنىڭ حابارلامادا.
قازىر جول- كولىك ايىرىعى سالىناتىن اۋداندا ينجەنەرلىك جەلى قۇرىلىسى، سونداي- اق كوپىر وتكەلىنىڭ تەمىر- بەتوندى دىڭگەكتەرىن ورنالاستىرۋ باستالدى.
جولدا كەپتەلىس تۋدىرماۋ ءۇشىن جۇرگىزۋشىلەرگە قوزعالىس باعىتىن الدىن الا جوسپارلاۋعا كەڭەس بەرىلەدى.
رەداكتور
گۇلميرا الياكپاروۆا