فرانسيادا زەينەتاقى رەفورماسىنا قارسى شەرۋگە ميلليوننان استام ادام قاتىستى
ەلدىڭ ءى ءى م مالىمەتتەرى بويىنشا، پاريجدە ءجۇز مىڭنان استام دەمونسترانت كوشەگە شىعىپ، پوليتسيامەن قاقتىعىستار باستالدى. بوردودا مۋنيتسيپاليتەت عيماراتىنىڭ ەسىگى ورتەندى، دەپ حابارلايدى قازاقپارات.
ەل بويىنشا تارتىپسىزدىكتەرگە قاتىسى بار دەگەن ايىپپەن 80 ادام قاماۋعا الىندى، ونىڭ 33- ءى پاريجدە. بۇل - فرانسيا پرەزيدەنتى ەممانۋەل ماكرون وتە قاجەت دەپ سانايتىن رەفورماعا قارسى دەمونستراتسيالاردىڭ توعىزىنشى كۇنى.
قاڭتاردا قاراۋعا ۇسىنىلىپ، وتكەن اپتادا پارلامەنتتىڭ داۋىسىنسىز ماقۇلدانعانعان زاڭ ەلدەگى جاعدايدىڭ شيەلەنىسۋىنە اكەلدى. ۇكىمەت شەشىمىنىڭ كۇشى سەنىمسىزدىك ۆوتۋمى ارقىلى عانا جويىلادى. ءبىراق، دۇيسەنبىدە ەل ۇكىمەتى پارلامەنتتە جاريالانعان سەنىمسىزدىك ۆوتۋمىن جەتى داۋىسپەن ەڭسەردى.
فرانسيانىڭ باس كاسىپوداعى «جالپىعا ورتاق ەڭبەك كونفەدەراتسياسى» (CGT) مالىمەتتەرى بويىنشا، بەيسەنبىدە پاريج كوشەلەرىندە 800 مىڭعا جۋىق ادام جينالدى. الايدا پوليتسيا مالىمەتىنشە، نارازىلىق اكسياسىن 119 مىڭ ادام شىقتى.
پاريجدىڭ كەيبىر اۋداندارىندا تارتىپسىزدىكتەر جاسالدى. شەرۋشىلەردىڭ شاعىن توپتارى پوليتسياعا تاس لاقتىرىپ، وتشاشۋ جاقتى، ءتارتىپ ساقشىلارى كوزدەن جاس اعىزاتىن گاز قولداندى.
باستيليا الاڭىنان پاريج وپەراسىنىڭ عيماراتىنا دەيىنگى شەرۋ باعىتىنداعى دۇكەندەر، مەيرامحانالار جانە باسقا دا مەكەمەلەر ساقتىق ماقساتىندا الدىن الا قورشالدى. جول بويىندا پوليتسيا قىزمەتكەرلەرى كوپ بولدى. بارلىعى بەس مىڭعا جۋىق ءتارتىپ ساقشىسى جۇمىلدىرىلدى.
مۇنداي شەرۋلەر فرانسيانىڭ باسقا قالالارىندا دا ءوتتى. ەلدىڭ باتىسىنداعى نانت قالاسىندا دا نارازىلىق بىلدىرۋشىلەر پوليتسيا قىزمەتكەرلەرىنە قاتتى زاتتار لاقتىرىپ، قوقىس جاشىكتەرىن ورتەۋگە كىرىسكەندە پوليتسيا كوزدەن جاس اعىزاتىن گاز شاشتى.
رەندە سۋ شاشاتىن قۇرىلعىلار پايدالانىلدى.
نيتستسادا شەرۋشىلەر اۋەجاي عيماراتى ماڭىندا بلوكادا جاسادى.
بوردودا قالالىق اكىمدىكتىڭ ەسىكتەرى ورتەنگەنى حابارلاندى. ولاردى كىم جانە قالاي ورتەگەنى ءالى بەلگىسىز. ءورت جىلدام ءسوندىرىلدى.
كاسىپوداقتار نارازىلىق اكسيالارى ءساتتى ءوتىپ جاتىر دەپ ەسەپتەيدى، ويتكەنى ەل تۇرعىندارى پرەزيدەنت ماكرون مەن ۇكىمەتكە ءوز ويلارىن بىلدىرە الدى. ولار حالىقتى 28-ناۋرىزدا قايتادان كوشەگە شىعۋعا شاقىردى.
فرانسياداعى شەرۋ تۋرالى تولىعىراق قازاقپارات ساراپشىسىنىڭ ماتەريالىندا.
اۆتور
سماعۇلوۆا ەركەجان