ب ا ءا- دە ەجەلگى ءىنجۋ قالاسى تابىلدى
دۋبايدان سولتۇستىك- شىعىسقا قاراي 50 ك م جەردە ۋمم ءال- كايۆاين امىرلىگىنىڭ قۇرامىنا كىرەتىن سينيا ارالىندا ورنالاسقان، دەپ حابارلايدى قازاقپارات WAM- عا سىلتەمە جاساپ.
سينيا ارالىنان تابىلعان ارتەفاكتىلەر، ءبىر كەزدەرى مىڭداعان ادام ءومىر سۇرگەن جۇزدەگەن ۇيلەر ءبىزدىڭ زامانىمىزدىڭ التىنشى عاسىرىنىڭ سوڭىنداعى ايماقتىڭ يسلامعا دەيىنگى تاريحىنان باستاۋ الادى. 2022 -جىلى تابىلعان قالا VI عاسىردىڭ اياعى مەن VIІІ عاسىردىڭ ورتاسى ارالىعىندا گۇلدەنگەن جانە شامامەن 1400 جىل بولعان ەجەلگى حريستياندىق «دەير اس- سينيا» موناسترىنىڭ جانىندا ورنالاسقان.
قالا وسى موناستردىڭ وڭتۇستىگىندە ورنالاسقان جانە 12 گەكتار اۋماقتى قامتيدى.
«بۇل جاڭالىق ۋم ءال- كايۆاين، ب ا ءا جانە پارسى شىعاناعى ەلدەرىنىڭ تاريحى ءۇشىن ۇلكەن ماڭىزعا يە، ويتكەنى ءىنجۋ اۋلاۋ جەتى مىڭ جىلدان استام ۋاقىت بويى ءومىر ءسۇرۋدىڭ ماڭىزدى بولىگى جانە كوزى، ەل مۇراسىنىڭ اجىراماس بولىگى بولدى»، - دەدى ب ا ءا تۋريزم جانە كونە جادىگەرلەر دەپارتامەنتىنىڭ باسشىسى مادجيد بين ساۋد ءال- مۋاللا.
زەرتتەۋلەر مەن ارحەولوگيالىق قازبالار بۇل قالا امىرلىكتەردە بۇرىن- سوڭدى بولماعان ەڭ ءىرى قالالىق قاۋىمداستىقتاردىڭ ءبىرى ەكەنىن كورسەتەدى، ونى ورتا عاسىرلاردا راس- ەل- حايماداعى دجۋلفار قالاسىنىڭ وركەندەۋىمەن سالىستىرۋعا بولادى.
تابىلعان زاتتار سول كەزدە ءومىر سۇرگەن ادامداردىڭ ۇيلەرىن ءىنجۋ- مارجان ورنالاسقان جەرگە جاقىن سالعانىن كورسەتەدى، ويتكەنى ءىنجۋ قالاداعى نەگىزگى كاسىپ كوزى بولعان.
قالا اراب تۇبەگىندە يسلام پايدا بولعانعا دەيىن بولعان، بۇل ونىڭ تۇرعىندارى حريستيان بولۋى مۇمكىن دەگەن قورىتىندى جاساۋعا مۇمكىندىك بەرەدى. ءىنجۋ اۋلاۋشىلار قالاسى بيىل ۇيىمداستىرىلعان ارحەولوگيالىق قازبا جۇمىستارى ماۋسىمىنىڭ ناتيجەسىندە تابىلدى.
قازبا جۇمىستارىنا ۋمم ءال- كايۆاين تۋريزم جانە ارحەولوگيا دەپارتامەنتى، ءب ا ا ۋنيۆەرسيتەتى، امىرلىكتەگى يتالياندىق ارحەولوگيالىق ميسسيا جانە نيۋ- يورك ۋنيۆەرسيتەتىنىڭ ەجەلگى الەمدى زەرتتەۋ ينستيتۋتى قاتىستى. ۋمم ءال- كايۆاين امىرلىگىنىڭ بيلىگى بۇل جەردە كەلۋشىلەرگە ارنالعان ورتالىق سالۋدى جوسپارلاپ وتىر.
اۆتور
سماعۇلوۆا ەركەجان